Qozog‘istonda bolalar va o‘smirlar uchun maxsus SIM kartalarni joriy etish masalasi ko‘rib chiqilmoqda. Bu kartalar ayrim saytlar va ijtimoiy tarmoqlarga kirishni cheklaydi. Bu haqda Respublika xalq ta’limi vaziri o‘rinbosari Edil Ospan ma’lum qilgan.
Edil Ospanning aytishicha, bolalar sim-kartasi - bu bolalar va o‘smirlar uchun ishlab chiqilgan mobil aloqa uchun maxsus tarif rejasi. Amaldorning so‘zlariga ko‘ra, bu kartalar bolalar xavfsizligi uchun zarur: SIM kartalarga maxsus filtr o‘rnatiladi, bu esa bolalarga ba’zi saytlarga kirishga va internetdagi ma’lum kontentni ko‘rishga yo‘l qo‘ymaydi.
“Hozirda SIM kartani joriy etish masalasi vakolatli davlat organlari bilan birgalikda muhokama qilinmoqda. Bolalar uchun ushbu kartani joriy etishni biz allaqachon kompleks reja loyihasiga kiritdik. Bizning fikrimizcha, operatorlar aynan bolalar foydalanishi uchun mo‘ljallangan maxsus sim-kartalarni chiqarishi kerak. Ota-onalar o‘z farzandlari uchun aynan shu sim-kartalarni sotib olishga majbur bo‘ladi. Boisi bugungi kunda operatorlar bolalar uchun maxsus tariflarni faqat ta’lim resurslariga kirish doirasida taklif qilmoqda, biroq bolalarning internetdagi xavfsiz xatti-harakatlarini nazorat qilishni ta’minlamayapti”, dedi Edil Ospan.
Vazirlik g‘oyasiga ko‘ra, bolalar SIM-kartalari quyidagi afzalliklarga ega bo‘ladi:
- ota-ona nazorati - ota-onalar bolaning telefondan qanday foydalanayotganini kuzatib borishlari mumkin;
- xavfsizlik - nomaqbul kontentdan himoya qilish uchun o‘rnatilgan filtrlar;
- geolokatsiya - mobil ilova orqali bolaning joylashgan joyini ko‘rish imkoniyati.
SIM-kartalar qachon sotuvga chiqishi hozircha noma’lum.
Izoh (0)