Qozog‘istonlik blogerlar fiskal idoralardan xabarnoma olgach, davlatga 75 million tenge (151 ming dollardan ortiq) soliq to‘ladi. Bu haqda milliy iqtisodiyot vaziri o‘rinbosari Serik Jumangarin ma’lum qildi.
15 ta bloger allaqachon 1,5 milliard tenge (3 million dollardan ortiq) deklaratsiya qilib, byudjetga 75 million tenge to‘lagan. Yirik soliq to‘lovchilar va qurilish kompaniyalariga kelsak, bularning barchasi Soliq qo‘mitasining qanday ishlashini ko‘rsatadigan misollardir, dedi vazir o‘rinbosari.
Jumangarinning so‘zlariga ko‘ra, davlatga qarzdor blogerlar ro‘yxati tushirilgan surat sizib chiqishi orqali Soliq qo‘mitasi o‘z ishining ayrim jihatlarini oshkor qilgan. Bosh vazir o‘rinbosari xuddi shunday bildirishnomalar yirik biznes vakillariga ham yuborilganini aytdi.
Qozog‘istonda blogerlar soliq va noqonuniy reklama uchun jarima to‘laydi
Qo‘shni respublikada ijtimoiy tarmoqlarning mashhur foydalanuvchilari o‘z resurslari, bloglari va reklamadan olgan daromadlari uchun soliq to‘lashi kerak bo‘ladi. Tegishli qonunni Qozog‘iston prezidenti Qosim-Jo‘mart To‘qayev imzolagan.
Ularga bunday reklamalarni mos ravishda markalash talab qilinadi. Inflyuenserlar kontent uchun javobgar bo‘lishi va rasmiy hisobni yuritishi talab qilinadi. Yolg‘on ma’lumotlarni joylashtirgan onlayn platforma foydalanuvchilari 20 oylik hisob-kitob ko‘rsatkichi miqdorida ma’muriy javobgarlikka tortiladi.
Tadbirkorlik faoliyati bilan shug‘ullanuvchi blogerlar uchun esa bu 40 oylik hisob-kitob ko‘rsatkichida bo‘ladi. Bundan tashqari, onlayn platformalar egalari qonunga kiritilgan o‘zgartirishlarga ko‘ra, soliq to‘lashdan bo‘yin tovlash va yolg‘on ma’lumotlarga qarshi kurashda davlat organlari bilan hamkorlik qilishi kerak bo‘ladi.
Izoh (0)