O‘zbekistonlik professional bokschi Bahodir Jalolovning navbatdagi jang sanasi ma’lum bo‘ldi. Bu haqida sportchining o‘zi Instagram sahifasi orqali ma’lum qildi.
Jalolov 5-aprel kuni Qozog‘istonning Ostona shahrida Top Rank tomonidan tashkillashtiriladigan boks oqshomida ringga ko‘tariladi. Biroq u qaysi sportchiga qarshi jang o‘tkazishiga aniqlik kiritilmagan.
Ko‘rishuncha, Qozog‘iston, deb xabarga izoh yozdi sportchi
Qayd etish joizki, Jalolov 6-fevral kuni Kanadaning Monreal shahrida fransiyalik Devid Spilmontga qarshi ringga ko‘tarilishi kerak edi, ammo tibbiy komissiyaning qaroriga ko‘ra ushbu jang bekor qilingan edi.
Maʼlumot o‘rnida, Jalolov professional faoliyatida 14 ta jang o‘tkazgan va barchasida nokaut evaziga g‘alaba qozongan. U so‘nggi jangini 2023-yilda Toshkentda o‘tkazilgan boks oqshomida o‘tkazgan. O‘shanda Bahodir Janubiy Afrika vakili Kris Tompsonni birinchi raundning o‘zida mag‘lub etgandi.
Izoh (0)