O‘zbekiston Respublikasining doimiy aholisi soni 37,5 mln kishini tashkil etmoqda.
Milliy statistika qo‘mitasi ma’lumotlariga ko‘ra, 2025 yil 1-yanvar holatiga ko‘ra, O‘zbekiston Respublikasining doimiy aholisi soni 37,5 mln kishini tashkil etdi. Yillar kesimida O‘zbekistonning doimiy aholisi soni (1 yanvar holatiga):
- 1920 yil – 4,4 mln kishi
- 1930 yil – 4,9 mln kishi
- 1940 yil – 6,6 mln kishi
- 1950 yil – 6,2 mln kishi
- 1960 yil – 8,4 mln kishi
- 1970 yil – 11,8 mln kishi
- 1980 yil – 15,8 mln kishi
- 1990 yil – 20,2 mln kishi
- 2000 yil – 24,5 mln kishi
- 2010 yil – 28,0 mln kishi
- 2020 yil – 33,9 mln kishi
- 2025 yil – 37,5 mln kishi.
Bundan avval O‘zbekistonda 2025-yilda necha kishi vafot etishi mumkinligi prognoz qilingandi.
O‘zbekistonda o‘limlar soni 2025-yilda 223,9 ming kishini tashkil etishi taxmin qilinmoqda.
Prognozlariga ko‘ra, MDH mamlakatlari orasida eng ko‘p o‘lim Rossiyada qayd etiladi: 1,9 million kishi. Undan keyingi o‘rinlarda Ukraina (520,2 ming kishi), Qozog‘iston (140,6 ming kishi), Belarus (119,1 ming kishi), Ozarbayjon (70,1 ming kishi), Turkmaniston (44,8 ming kishi), Qirg‘iziston (44,1 ming kishi), Moldova (42 ming kishi) va Armaniston (27,7 ming kishi).
Makromintaqalar kesimida eng ko‘p o‘lim Osiyoda bo‘lishi kutilmoqda: 34,7 million kishi. Ikkinchi o‘rinda Afrika (11,7 million kishi), uchinchi o‘rinda Yevropa (8,5 million kishi) bo‘ladi. Amerikada 7,9 million, Okeaniyada esa 317,8 ming o‘lim kutilmoqda.
Prognozlarga ko‘ra, 2025-yilda 34,1 million nafar erkak va 29,1 million nafar ayol vafot etadi. Erkaklarning taxminiy o‘lim ko‘rsatkichi ayollarga nisbatan 17,3 foizdan ortiq bo‘lmoqda.
Statistika agentligi ma’lumotlariga ko‘ra, O‘zbekistonda o‘rtacha umr ko‘rish davomiyligi 74,3 yoshni tashkil etadi. Mamlakatda o‘lim holatlarining yarmidan ko‘pi qon aylanish tizimi kasalliklari sabab yuz bermoqda.
Izoh (0)