O‘zbekiston pishloqning qimmatligi bo‘yicha 99 ta davlat orasida 79-o‘rinni egalladi. Bu haqda “Ranking” xabar berdi.
20-fevral holatiga ko‘ra, O‘zbekistonda ishlab chiqarilgan bir kilogramm pishloqning o‘rtacha narxi 7,1 dollar. MDH davlatlari orasida O‘zbekistonga qaraganda arzonroq bo‘lgan pishloqlarni Ozarbayjon va Belarusdan sotib olish mumkin. U yerda narx mos ravishda 5 va 6,2 dollarni tashkil etadi.
MDHda eng qimmat mahalliy pishloq Moldova (9,6 dollar), Qozog‘iston (9,3 dollar), Rossiya (8,7 dollar) va Ukrainada (8,1 dollar) sotiladi. Dunyo bo‘ylab pishloqning eng yuqori narxlari Shveysariya, Gonkong va Fransiyada, eng past narxlar esa Misr, Eron va Boliviyada qayd etilgan.
O‘zbekistonda 2024-yilning yanvar oyida yirik korxonalar tomonidan 115 tonna pishloq ishlab chiqarilgan. Mazkur ishlab chiqarish 2023-yilning tegishli davriga nisbatan 22,9 foizga oshgan.
Izoh (0)