AQSH prezidenti Donald Tramp ukrainalik hamkasbi Vladimir Zelenskiyni minnatdorlik bildirmaganlikda aylab, u “pulni boladan konfetni tortib olgandek” qabul qilganini aytdi.
Ikki prezidentning keskin tortishuvidan bir hafta o‘tgach, Tramp yana Ukraina prezidentiga ayblovlar yog‘dirdi. AQSH rahbari sobiq Bayden ma’muriyatini Ukrainaga milliardlab harbiy yordam ko‘rsatgani uchun tanqid qildi.
Zelenskiyning qilgani go‘yo boladan shirinlikni tortib olishga o‘xshardi. U aqlli hamda kuchli yigit va u Bayden davrida Qo‘shma Shtatlardan pulni xuddi boladan shirinlik tortib olgandek osonlik bilan oldi — bu shunchalar befarq munosabat bilan amalga oshdi, dedi Tramp.
Shuningdek, u Qo‘shma Shtatlar allaqachon Ukrainaga 350 milliard dollar berganini, Ukraina rahbari bundan ham minnatdor emasligini ta’kidladi. Tramp “hech kim u singari Rossiyaga nisbatan qattiqroq munosabatda bo‘lmaganini” qayd etdi.
AQSH prezidenti avvalgi bayonotlari, jumladan, Ukraina yetakchisini “diktator” deb atashi, uning Moskva tomonida ekani haqidagi taxminlarni kuchaytirdi. Sababi Tramp avvalroq AQSHning Ukrainaga ko‘rsatadigan yordamiga shubha bilan qaragan edi.
Men Rossiya neft quvurini to‘xtatdim, Rossiyaga sanksiyalar qo‘ydim, Javelin raketalarini berdim, ammo Putin bilan munosabatim yaxshi. Hech kim Rossiyaga Donald Trampdan ko‘ra qattiqroq munosabatda bo‘lmagan va ular buni yaxshi bilishadi, deya da’vo qildi u.
Izoh (0)