АҚШ президенти Дональд Трамп украиналик ҳамкасби Владимир Зеленскийни миннатдорлик билдирмаганликда айлаб, у “пулни боладан конфетни тортиб олгандек” қабул қилганини айтди.
Икки президентнинг кескин тортишувидан бир ҳафта ўтгач, Трамп яна Украина президентига айбловлар ёғдирди. АҚШ раҳбари собиқ Байден маъмуриятини Украинага миллиардлаб ҳарбий ёрдам кўрсатгани учун танқид қилди.
Зеленскийнинг қилгани гўё боладан ширинликни тортиб олишга ўхшарди. У ақлли ҳамда кучли йигит ва у Байден даврида Қўшма Штатлардан пулни худди боладан ширинлик тортиб олгандек осонлик билан олди — бу шунчалар бефарқ муносабат билан амалга ошди, деди Трамп.
Шунингдек, у Қўшма Штатлар аллақачон Украинага 350 миллиард доллар берганини, Украина раҳбари бундан ҳам миннатдор эмаслигини таъкидлади. Трамп “ҳеч ким у сингари Россияга нисбатан қаттиқроқ муносабатда бўлмаганини” қайд этди.
АҚШ президенти аввалги баёнотлари, жумладан, Украина етакчисини “диктатор” деб аташи, унинг Москва томонида экани ҳақидаги тахминларни кучайтирди. Сабаби Трамп аввалроқ АҚШнинг Украинага кўрсатадиган ёрдамига шубҳа билан қараган эди.
Мен Россия нефть қувурини тўхтатдим, Россияга санкциялар қўйдим, Javelin ракеталарини бердим, аммо Путин билан муносабатим яхши. Ҳеч ким Россияга Дональд Трампдан кўра қаттиқроқ муносабатда бўлмаган ва улар буни яхши билишади, дея даъво қилди у.
Изоҳ (0)