Tokio shahri yaqinida dunyodagi eng kichik bog‘ Ginnesning rekordlar kitobiga kiritildi, deb yozadi “Pravila jizni”.
Bog‘ 1988-yilda qurilgan bo‘lib, uni tashkil etish g‘oyasi mahalliy aholiga tegishli. Tokioliklar AQSHga safari chog‘ida Oregon shtatidagi Mill Ends Park nomli mitti bog‘ni ko‘rib qolgan va undan ilhomlangan holda o‘z yurtida xuddi shunday rekordni o‘rnatishga qaror qilgan.
Mitti bog‘ chorrahada joylashgan bo‘lib, ilgari uning o‘rnida hech narsa bo‘lmagan.
Endilikda piyodalar “obodonlashtirilgan hudud”da dam olish va avtobus kutish joyi sifatida foydalanishadi. Shuningdek, bugungi kunda mazkur park ko‘plab sayyohlarni o‘ziga jalb qilmoqda.
Parkning maydoni 0,24 kvadrat metrni tashkil etadi, bu ikki dona A3 formatdagi qog‘ozning kattaligi bilan teng. Bog‘da maxsus kirish joyi, bir kishilik kichik o‘rindiq va biroz o‘tloqlar mavjud. Park 2024-yil 25-dekabrda rasman shahar bog‘i sifatida ro‘yxatdan o‘tgan.
Izoh (0)