47 yoshli fransiyalik havaskor Eyfel minorasining 7,19 metrli maketini gugurt cho‘pdan yasalgan dunyodagi eng baland inshoot sifatida Ginnes rekordlari kitobiga kiritilishiga erishdi.
Bundan avval ushbu maket haqiqiy gugurt cho‘pidan emas, alohida buyurtma berilgan gugurt yog‘ochining o‘zidan yasalgani uchun rekord hisoblanmagan edi.
Rishar Plo keyinchalik kompaniyaga arz qildi, ammo unga rad javobini berishdi. Bunday xulosadan xafa bo‘lgan Rishar Instagram’dagi sahifasida aholiga bu haqda batafsil aytib bergan, uning so‘zlariga ko‘ra, hakamlar minorani o‘z ko‘zlari bilan ko‘rmasdan unga baho bergan.
O‘sha kunning o‘zida ushbu voqea ijtimoiy tarmoqlarda tarqalib ketdi va 7,19 metrli Eyfel minorasi maketi gugurt cho‘pidan yasalgan dunyodagi eng baland bino sifatida qayd etilishiga erishildi.
Izoh (0)