YouTube — shtab-kvartirasi San-Brunoda (Kaliforniya) joylashgan Amerika video almashish veb-saytidir. Bugungi kunda YouTube videolari ro‘yxatining eng yuqori pog‘onalarini asosan musiqiy videolar hamda multfilmlar egallab kelmoqda.
Xususan, joriy yil aprel oyida Janubiy Koreyaning BlackPink estrada guruhi eng ko‘p ko‘rilgan videolar bo‘yicha Ginnes rekordini o‘rnatdi. BlackPink’ning YouTube tarmog‘idagi kanali musiqiy kanallar orasida eng ko‘p ko‘rilgani ma’lum bo‘ldi.
2024-yil 10-aprel holatiga ko‘ra, BlackPink guruhi kanalidagi video ko‘rishlarning umumiy soni 30 milliarddan oshib ketdi. Shunday qilib, koreyalik yosh pop-yulduzlar kanadalik qo‘shiqchi Jastin Biberni ortda qoldirdi.
BlackPink guruhi ijrochilarining kanali 2016-yilning iyun oyida ochilgan. Bugungi kunga kelib ularning obunachilari soni 93,6 million kishini tashkil etadi. Qayd etish lozimki, BlackPink bundan avval 21 marotaba Ginnes rekordini o‘rnatgan.
Guruh ilgari Buyuk Britaniya albomlar reytingida birinchi o‘rinni egallagan birinchi K-pop guruhi va Spotify tizimida dunyodagi eng mashhur pop-musiqachi qizlar guruhi sifatida tan olingan. Guruh 4 nafar a’zodan: Jisu, Jenni, Roza va Liza ismli qizlardan iborat.
Ma’lumot uchun: 2005-yilning noyabrida braziliyalik futbolchi Ronaldinyo ishtirokidagi Nike reklamasi 1 000 000 marta ko‘rilgan ilk video bo‘lgan.
Izoh (0)