Kolin Jost rafiqasi Skarlett Yoxansson nikoh uzugini yo‘qotib qo‘yganida axlatni titkilashga to‘g‘ri kelganini aytadi. Aktrisa uni tasodifan boshqa chiqindilar bilan tashlab yubordim deb o‘ylagan. Bu haqda Jost Pop Culture Jeopardy shousi efirida gapirib berdi.
Bir kuni Yoxansson nikoh uzugini yo‘qotganini payqab qoladi. U bu haqda eriga aytib, qimmatbaho taqinchoq chiqindilar orasida bo‘lishi mumkinligini taxmin qiladi. Bunga javoban Kolin Jost uzukni izlab, chiqindi idishlarini titkilay boshlaydi.
“Men o‘n ikkita axlat konteynerini tekshirib chiqqanman”, deydi u. Ammo uning sa’y-harakatlari hech qanday natija bermadi.
Ma’lum bo‘lishicha, aktrisa uni shuncha vaqtdan beri cho‘ntagida olib yurgan, shunchaki buni unutgan.
Uyga kirganimda, u “Voy! Uzuk cho‘ntagimda ekan-ku”, dedi. “Ajoyib kun bo‘lgandi!” deydi Jost.
Izoh (0)