Yevropa Konferensiyalar Ligasi saralash bosqichi doirasidagi bahsda Turkiyaning “Bashakshehir” klubi Norvegiyaning “Viking” jamoasiga qarshi maydonga tushib, 1:1 hisobida durang o‘ynadi.
Uchrashuvdagi hisob 34-daqiqada ochildi. “Bashakshehir” himoyachisi Onur Bulut avtogol muallifiga aylandi va “Viking” hisobda oldinga chiqib oldi. Biroq oradan 6 daqiqa o‘tib, Eldor Shomurodovning aniq uzatmasidan so‘ng Devi Zelke javob golini kiritdi — 1:1. O‘yinning qolgan daqiqalari ham keskin kurashlar ostida o‘tdi, biroq hisob boshqa o‘zgarmadi.
O‘yinni asosiy tarkibda boshlagan Eldor Shomurodov 83-daqiqada zaxiraga olindi. “Bashakshehir” safida harakat qiladigan yana bir o‘zbekistonlik futbolchi Abbosbek Fayzullayev esa qaydnomaga kiritilmagan.
Ikki o‘yin natijasiga ko‘ra 4:2 hisobida g‘alaba qozongan “Bashakshehir” saralashning so‘nggi bosqichiga yo‘l oldi (dastlabki o‘yin — 3:1).
Istanbul klubi navbatdagi bosqichda Slovakiyaning “Spartak Trnava” va Ruminiyaning “Universitatya” jamoalari o‘rtasidagi bahs g‘olibi bilan kuch sinashadi.
Yevropa Konferensiyalar Ligasi
Saralash uchrashuvi
13-avgust, chorshanba
“Bashakshehir” — “Viking” 1:1 (dastlabki o‘yin — 3:1)
Gollar: 0:1 — Bulut (34, avtogol), 1:1 — Zelki (40)
Izoh (0)