Eron sudi mashhur xonanda Amir Husayn Magsudluni shakkoklikda ayblaganidan keyin o‘lim jazosiga hukm qildi. Bu haqda The Guardian xabar berdi.
37 yoshli xonanda 2018-yildan beri Istanbulda istiqomat qilgan. Biroq 2023-yil dekabrida Turkiya politsiyasi uni Eronga topshirgan. O‘shandan beri u Eronda hibsda saqlanmoqda. U “fohishabozlik”ni targ‘ib qilgani uchun 10 yilga ozodlikdan mahrum qilingan, boshqa hollarda esa u “nomaqbul kontent” tarqatishda ayblangan.
Oliy sud ishni qayta ko‘rib chiqqan va Amir Husayn Magsudluni payg‘ambarni haqoratlaganlikda ayblab, o‘lim jazosiga hukm qilgan.
Rep, pop-musiqa va R&B uyg‘unligi bilan tanilgan ko‘plab tatuirovkalarga ega bo‘lgan ijrochi ilgari konservativ siyosatchilar orasida “mashhur” bo‘lgan. Ular xonanda yosh va liberal eronliklarning fikriga ta’sir o‘tkazmoqchi ekanini aytgan.
2017-yilda u hatto o‘ta konservativ Ibrohim Raisiy bilan televizion uchrashuvda qatnashgan. Raisiy keyinchalik Eron prezidenti bo‘ldi, ammo 2024-yilda vertolyot halokatida vafot etdi.
2015-yilda Tehron va jahon davlatlari o‘rtasidagi muhim yadro kelishuvi barbod bo‘layotgan paytda, xonanda Eronning yadro dasturini qo‘llab-quvvatlovchi qo‘shiq chiqargandi.
Izoh (0)