Баъзан санъат оламидаги машҳурларнинг фарзанди ҳам шу соҳага кириб келганда, ота-онасининг соясида қолиб кетади. Аммо айрим хонандалар шундай юксак чўққиларга эришадики, уларнинг исми нафақат оилавий машҳурликни ортда қолдиради, балки бутун дунёда алоҳида эътироф этилади. Ушбу мақолада муваффақият борасида аждодларини ортда қолдирган санъаткорлар ҳақида сўз боради.
1. Майли Сайрус
Билли Рей Сайрус 1961 йил 25 августда туғилган америкалик қўшиқчи, бастакор ва актёрдир. У кантри мусиқаси йўналишида ижод қилади. Унинг энг машҳур қўшиғи 1992 йилда чиққан “Achy Breaky Heart” ўз даврида энг хит треклардан бири бўлган.
Унинг қизи Майли Сайрус 1992 йил 23 ноябрда туғилган. У ҳам қўшиқчи, актриса ва бастакордир. Майли ёшлигидан санъатга қизиқиб улғайган ва 13 ёшида “Ҳанна Монтана” телесериали орқали машҳурликка эришган. Дисней канали орқали намойиш этилган мазкур сериал уни бутун дунёга танитган.
Майли Сайруснинг қўшиқлари поп, поп-рок ва кантри жанрларини ўз ичига олади. У “Wrecking Ball”, “Party in the U.S.А.” ва “Flowers” каби хит қўшиқлари билан кўплаб мукофотларга сазовор бўлган. Майли ҳеч кимга ўхшамас ижоди йўли ва ўзига хос имижи билан доимо омма эътиборида бўлиб келган.
2. Анжелина Жоли
Анжелина Жолидаги актрисалик қобилияти “Оскар” ва “Эмми” мукофотлари совриндори, отаси Жон Войтдан мерос бўлиб олган. Войт Америка кино саноатининг йирик актёрларидан бири ҳисобланиб, у 1960 йиллардан бошлаб Голливудда фаолият юритиб келади.
Анжелина отаси билан биринчи марта катта экранга чиққанида етти ёшда эди. У болалигидан актрисалик маҳоратини намойиш этган ва 1990 йилларда кино саноатида машҳур бўла бошлаган. Бугуни кунга қадар Жоли 40 дан ортиқ фильмларда суратга тушган. Унинг бойлиги 120 миллион долларга баҳоланган. Жоли ҳозирда Голливуддаги энг кўп маош олувчи актрисалардан биридир. Жоли “Оскар”, “Тони” мукофоти ва уч карра “Олтин глобус”га сазовор бўлган.
3. Крис Пайн
Крис Пайннинг отаси, “Калифорния йўл патрули” телесериалдаги сержант Жозеф Гетрер роли билан машҳур. Унинг шарофати билан ўғли Крис кино соҳасига кириб келган, аммо у машҳурлик чўққисига эришиш учун кўп йиллар давомида меҳнат қилган. У “Star Trek” (2009–2016) ва “Ерости ва аждаҳолар” (2023) фильмларидаги роллари билан танилган.
Шунингдек, Крис Пайннинг бувиси Энн Гвин кино тарихида кучли овози билан “ҳайқириқ маликаси” сифатида машҳур бўлган.
4. Жижи ва Белла Ҳадид
Жижи ва Белла Ҳадид — замонавий Америка шоу-бизнесининг машҳур моделлари ҳисобланади. Опа-сингилларнинг онаси Йоланда Ҳадид ҳам турмуш қуришдан олдин моделлик бизнесида ишлагани. 2010 йилларда у “Беверли-Ҳиллснинг ҳақиқий уй бекалари” реалити-шоусидаги иштироки туфайли машҳур бўлган. Қизларнинг отаси эса фаластинлик-америкалик тадбиркор бўлиб, асосан, АҚШда кўчмас мулк бизнеси билан шуғулланади.
Жижи 2013 йилда дунёнинг энг яхши модел агентликларидан бири IMG Models билан шартнома имзолади ва шундан кейин Нью-Ёрк мода ҳафталиги подиумида кўриниш берди. Унинг синглиси Белла эса бир йилдан сўнг агентликка қўшилди. Бу воқеадан кейин опа-сингил Ҳадидлар мода оламига кириб келди, дунёдаги энг кўп ҳақ олувчи моделларга айланди.
Кўп жиҳатдан Йоланда фарзандларининг келажакдаги касбига ўз таъсирини ўтказган. Мисол учун, қизларнинг энг каттаси Жижини агентликка олиб келган онаси туфайли уч ёшидаёқ моделлик бизнесида иш бошлаган. Опа-сингилларнинг муваффақиятга эришишига ота-онаси сабабчи бўлганини яширмайди.
5. Гвинет Пелтроу
Америкалик актриса ва телебошловчи машҳур ота-оналар оиласида туғилган. Унинг отаси Брюс Пелтроу режиссёр ва продюсер, онаси Блайт Даннер эса машҳур Голливуд актрисаси эди. Даннер телевидениедаги (масалан, Коломбо телесериалидаги) ва фильмлардаги роллари билан танилган. Блайт Даннер рол ўйнаган энг машҳур фильмлардан бири “Ота-оналар билан танишиш” (2000) фильмида Роберт Де Ниро қаҳрамонининг рафиқаси ролини ўйнаган.
Гвинетнинг келажакдаги касби болалигиданоқ белгилаб қўйилгандек туюлиши мумкин, аммо ўсмирлик даврида у карьерасини мустақил қуришга қарор қилади ва санъатни чуқурроқ ўрганиш учун университетга киради. Бироқ Пелтроу тез орада онасидан ўрнак олиб, ўзини актрисаликка бағишлашга қарор қилади ва ўқишини ташлайди. Аммо унинг машҳурлиги ота-онасининг шон-шуҳратини ортда қолдиришини ҳеч ким тасаввур ҳам қилмаган эди.
Пелтроу фаолиятини 90 йилларда бошлаган ва “Қичқириқ”, “Етти”, “Танама-тана” каби машҳур фильмларда рол ўйнаган. 1998 йилда у “Ошиқ Шекспир” фильмидаги Виолетта роли учун “Оскар” олган. Шунингдек, Гвинет Пелтроу Marvel олами, хусусан, “Темир одам” фильмидаги Тони Старкнинг ёрдамчиси ва кейинчалик севгилиси Пеппер Потц роли билан танилган. Фаолияти давомида у “Оскар”, “Олтин глобус” ва “Эмми” мукофотларини қўлга киритган.
6. Уитни Ҳьюстон
1963 йил 9 августда туғилган ва 2012 йил 11 февралда вафот этган хонанда Уитни Ҳьюстон дунёдаги энг кўп мукофот олган санъаткорлардан бири ҳисобланади. Унинг овози ноёб, кучли ва таъсирчан бўлиб, ҳақиқий муваффақият унга 1992 йилда “Тансоқчи” фильми учун “I will always love you” қўшиғини ижро этганидан кейин келди. Унинг альбомлари миллионлаб нусхаларда сотилди. Уитни Ҳьюстон фаолияти давомида еттита “Грэмми” мукофотига сазовор бўлди.
Ҳьюстон жаҳон мусиқаси тарихидаги тижорий жиҳатдан энг муваффақиятли ижрочилардан бирига айланди. Унинг онаси Сисси Ҳьюстон ҳам қўшиқчиси бўлган. У кўп йиллар давомида таниқли санъаткорларга, жумладан, Арета Франклин, Элвис Пресли каби машҳур қўшиқчиларга back vocal (орқа фон ижрочиси) ижросида бўлган.
Изоҳ (0)