Rossiyaning Nijniy Novgorod shahridagi 39-sonli shahar klinik shifoxonasi neyroxirurglari boshida ulkan mix bo‘lgan bemorning hayotini saqlab qolishdi.
Voqea 2025-yil iyun oyida sodir bo‘lgan. Baxtsiz hodisa tufayli 12 santimetr uzunlikdagi mix erkakning bosh suyagi va miyasini teshib o‘tgan.
“Xavfli yot jismni olib tashlash jarayoni uch soatdan ortiq davom etdi. Operatsiyani 39-sonli shahar klinik shifoxonasining 1-sonli neyroxirurgiya bo‘limi mudiri Aleksandr Lavrenyuk va tibbiyot fanlari nomzodi, neyroxirurg Pavel Smirnov amalga oshirdi”, deydi jurnalist Aleksey Nikonov.
Ta`kidlanishicha, bemor shifoxonada 53 kun davolanib, shundan 40 kunini koma holatida reanimatsiyada o‘tkazgan. Shifokorlar erkakni hayotga qaytarishga muvaffaq bo‘lishgan, endi unga uzoq reabilitatsiya davri kerak bo‘ladi.
“Erkakning hayotini saqlab qolishga erishildi, hozir u reabilitatsiya bosqichida. Iyun oyidan buyon bu holatni kuzatib keldik, tashvishlandik va barcha narsa yaxshilik bilan yakunlanganidan xursandmiz”, deyiladi xabarda.
Bundan avval Avstriyada jarroh 12 yoshli qiziga bemor bosh suyagini teshtirgani xabar qilingandi.
Izoh (0)