Aktyor Uill Smit va rafiqasi Jada Pinkettning o‘g‘li Jeyden Smit 2025-yilgi Gremmi mukofotlarini topshirish marosimiga noodatiy obrazda tashrif buyurdi. Uning ko‘rinishi ijtimoiy tarmoqlarda keskin muhokama va masxaralar markaziga aylanishiga sabab bo‘ldi.
26 yoshli Jeyden 2-fevral kuni Los-Anjelesda Gremmi mukofotini topshirish marosimida ishtirok etdi. Reper tadbirga oq ko‘ylak va galstuk, Louis Vuitton brendiga tegishli smoking va krossovkalarda namoyon bo‘ldi. Uning obrazini g‘ayrioddiy qora qasr ko‘rinishidagi bosh kiyimi to‘ldirib turar edi. Internet foydalanuvchilari esa uning bunday ko‘rinishdagi “shlyapa”sini keskin masxara qila boshladi:
“Yigitcha bog‘chadagi tadbirga kelgan yosh bolaga o‘xshaydi”, “Mukofotga sazovor bo‘lgan yulduzlarning avlodi kundan-kunga g‘alati bo‘lib boryapti”, “Bu bola ham, uning butun boshli oilasi ham jiddiy psixologik yordamga muhtoj”, “Konsertda uning ortida o‘tirmagan bo‘lar edim” deya izohlar qoldirishdi.
2025-yilgi Gremmi mukofotlarida Jeyden va uning singlisi Uilou otalari Uill Smitni qo‘llab-quvvatlash maqsadida ishtirok etdi. 2022-yilgi “Oskar” marosimida Uill Kris Rokka tarsaki tushirgani uchun uch yilga Gollivudning qora ro‘yxatida qolgan edi. Hozirda esa aktyor ushbu musiqa marosimining boshlovchilaridan biri sifatida sahnaga qaytmoqda.
Izoh (0)