Gollivud yulduzi Margo Robbi Avstraliyadagi kichik shaharda, oddiy fermerlar oilasida tug‘ilgan. Aktrisa hozirda ayollik nafosati va barbi qo‘g‘irchog‘ining hayotdagi timsoliga aylangan bo‘lib, Los Anjelesda turmush o‘rtog‘i bilan uzoq yillar orzu qilgan shinam uyida yashaydi.
Margo o‘smirligidan mehnatda katta bo‘lgan. 15 yoshida kollejga kirish imtihonlaridan o‘ta olmagach, taslim bo‘lmagan va bir vaqtning o‘zida uchta ish topib, yakka o‘zi poytaxtga ko‘chib kelgan. U Subway’da sotuvchi bo‘lib ishlagan, mehmonxonalarda farroshlik qilgan va shu tarzda pul yig‘gan.
Robbi ko‘p marta aktyorlik bo‘yicha turli tanlov va tinglovlarga borgan, ammo uning juda oddiy ko‘rinishi (Avstraliya uchun) tufayli doimo rad javobini olgan. 2008-yilda uch yillik mashaqqatli mehnatdan so‘ng Robbiga nihoyat Avstraliyadagi “Qo‘shnilar” serialida rol berilgan. Loyihadan tushgan gonorar pulini Margo AQShga ko‘chib ketish uchun saqlab qo‘ygan. Uning so‘zlariga ko‘ra, bu pul Los Anjelesda 3 yillik ijara haqi va minimal oziq-ovqat uchun yetarli bo‘lar edi.
Bo‘lajak aktrisa tavakkal qildi: u kecha-yu kunduz tinglovlarga bordi, sport va raqs bilan shug‘ullandi, tillarni o‘rgandi, xullas, Los Anjeles kino sanoatida qiziqarli bo‘lishi uchun barcha ishni qildi va maqsadiga yetishdi! Taniqli yulduz ikki karra “Oskar” mukofotiga nominatsiyaga qo‘yildi.
Bugungi kunda aktrisa va uning turmush o‘rtog‘i, rejissyor Tom Akerli Los Anjelesning eng qadimiy va hurmatga sazovor hududida joylashgan uyga 2017-yilda ko‘chib kelgan. Baland daraxtlar bilan o‘ralgan klassik uslubdagi oq rangli uyda yulduzlar to‘ydan so‘ng yashay boshlagan.
Xonadon Los Anjelesning an’anaviy modern uslubida qurilgan bo‘lib, binoning maydoni 300 kvadrat metrni tashkil etadi. Xonadon 3,475 million dollarga xarid qilingan, u 4 ta yotoqxona va 6 ta hammom va keng bog‘lardan iborat.
Nafis va ortiqcha bezaklardan yiroq bo‘lgan dizaynga ega mazkur uy baland panjara, yashil to‘siq va daraxtlar ortida — begona ko‘zlardan yiroq hududda joylashgan.
Barcha yashash xonalaridagi devorlar oddiy oq bo‘yoq va marmar bilan bezatilgan: asosiy hammom poldan shiftgacha marmardan iborat, birinchi qavatdagi kamin va oshxona mebellari ham shu materialdan ishlangan.
Mehmonlar uchun alohida yotoqxona bor, uni osongina uy ofisiga yoki enagalar xonasiga aylantirish mumkin. Uyning ikkinchi qavatida bog‘ga qaragan yana ikkita mehmonxona mavjud. Ulkan oshxonada olti kishini sig‘dira oladigan Carrara marmar peshtaxtalaridan yasalgan stol o‘rnatilgan.
Margo Robbining o‘zi intervyularida bolaligi juda oddiy o‘tganini aytadi:
“Onamning avlodi bug‘doy, otamning oilasi esa shakarqamish va mango yetishtirish bilan shug‘ullangan, shuning uchun men o‘simliklarni parvarish qilish, ularni o‘g‘itlash va sug‘orish usullari haqida moda olamidan ham ko‘proq ma’lumotga egaman. Men hozir ham sigir sog‘ishim, o‘tlarni o‘rishim mumkin. Ko‘pchilik go‘zal qizlarni shunchaki qo‘g‘irchoq deb ataydi, aslida ular uzoq yillik mehnat tufayli o‘zlarini qaytadan yaratadigan Zolushkadirlar”, deydi Robbi.
Izoh (0)