Инсон ўзида кўрган барча муаммолар ҳар доим ҳам атрофдагиларга кўринавермайди. Қуйидаги рўйхатдаги юлдузларни мукаммал деб ҳисоблашингиз мумкин. Бироқ уларда ҳам комплекслар мавжуд.
Кайли Женнер
The Kardashians кўрсатувининг бир сонида машҳур юлдуз деярли бутун умри давомида қулоқларидан уялганини айтади. Маълум бўлишича, Кардашьян-Женнернинг катта опалари болалигиданоқ Кайлини “Оппоғой ва етти гном” мультфильмидаги Дупи исмли гномга ўхшатишган экан. Бу қизчага қаттиқ таъсир қилган, чунки мультфильм қаҳрамони жуда ғалати кўринишга эга эди. Шу сабабли Кайли ўзини ҳам худди шундай деб ўйларди.
“Эҳтимол, бу бошқаларга билинмас, лекин шахсан менга атрофдагилар фақат қулоқларимга қараб, устимдан кулишаётгандек туюларди. Шунинг учун анчагача сочимни йиғиб турмаклатмаганман”, дейди Женнер.
Рианна
Рианна ҳам бутун дунёга машҳур бўлгач, номукаммаллигини ҳис қила бошлаганини тан олди. Қўшиқчи томошабинлар назарида бенуқсон кўринса-да, юрагининг туб-тубида ўзини саҳнада ёки экрандагидек дадил ҳис этмасди. Машҳурлик унга “идеал бўлиш”ни таъкидлагандек эди, аммо қўшиқчи ҳақиқий ҳаёти бундай эмаслигини тушунган.
“Ҳозир, муваффақиятни ҳис қила бошлаганимда, бу охири бўлиши мумкинлигидан қўрқишни бошладим. Оёғим остидан ер сирғалиб чиқиб кетаётганидан шунчалик қўрқаманки, ҳозир ҳам ҳамма машҳурлигимни айтса, унда адашиб қолишдан қўрқаман”, дейди у.
Эд Ширан
Бир неча йил олдин Эд Ширан комплекслари ҳақида айтиб, томошабинларни ҳайратда қолдирганди. Фаолиятининг бошида санъаткор ўзини бошқа юлдузлар, жумладан, Шон Мендес ва Жастин Бибер билан солиштирган. Эд негадир уларнинг олдида ўзини “беўхшов” ва “жуда семиз” ҳис қиларди. Ўшанда артист ўзини қўлга ололмагани, спорт залига боролмагани ёки парҳезга қилолмагани учун ўзини койиди. Ўзидан кўнгли тўлмаган Ширан калорияли таомларни истеъмол қилди, бунинг учун кейинчалик ўзини янада кўпроқ айблади.
“Мен Элтон Жон ўз китобида айтган нарсалар билан шуғулланаётганимни билиб қолдим — кўнглим айнигунча овқатландим. Эркак киши сифатида бу ҳақда гапириш мен учун жуда ноқулай”, деб тан олади созанда.
Кети Перри
Голливуд актрисаси Кети Перрининг табассуми ҳар қандай одамни мафтун қилади. Бироқ у бир қарашда кўринганидек мукаммал эмас. Хонанданинг ҳар доим ҳам табассум қилганда кўринмайдиган пастки тишлари жуда нотекис. Шу сабабли Кети ўзидаги бу “камчилик”ни тузатишни режалаштирмаса-да, у учун бу комплекс. Шунчаки Перри брекетларни янада кулгили ва ноқулай деб ҳисоблайди. Бу масалада қулайлик унинг учун гўзаллик қонунларидан кўра муҳимроқ.
“Бу тишлар гўзаллигимнинг душмани. Уларнинг бенуқсон бўлишини истардим аммо тишларим худди тиш эмас, балки қояли тоғлардек эгри-бугри”, шикоят қилади хонанда.
Роберт Паттинсон
Дисморфофобияда одам ҳаддан ташқари безовта бўлиб, ўзидаги арзимас нуқсонлар билан банд бўлади. Роберт Паттинсон ҳам бир неча бор энг келишган эркак сифатида эътироф этилган бўлса-да, у барибир тана тузилиши туфайли комплексларни бошдан кечиради. Роберт жуда озғин ва ўзини ташқи кўриниши эркаклар гўзаллиги қонунларига мос келадиган келишган йигитлардан жуда узоқда деб ҳисоблайди. Мунтазам спорт ва ўз устида ишлаш унинг учун машғулот эмас. Паттинсон ортиқча мақтовларни ёқтирмайди, чунки улар унга аслида бу “чиройли картинка”га мос келмаслигини яна бир бор эслатади.
“Ҳар доим сендан кўра яхшироқ ҳолатда бўлган одам топилади. Машинадан тушгунимча қаттиқ ҳаяжонланаман ва шундан кейингина тинчланаман. Менда дисморфофобия ва юқори даражадаги хавотир бор. Ўйлайманки, бу улкан комплекслар туфайли худбин бўлиб қолмадим”, дейди актёр очиқчасига.
Изоҳ (0)