Netflix — mashhur va original filmlarni namoyish qiluvchi, millionlab tomoshabinlar auditoriyasiga ega platforma. Ushbu filmlar ekshnga boyligi va iste’dodli aktyorlari tufayli haqiqiy xitga aylandi. Agar hali ularni ko‘rishga ulgurmagan bo‘lsangiz, hozir ayni vaqti.
“Dunyoni ortda qoldirib” (Leave the World Behind, 2023)
Long-Aylenddagi ijaraga olingan uyda dam olayotgan oilani sirli voqealar tinchligini buzadi. G‘alati mehmonlar va xavotirli voqealar qahramonlarni omon qolish uchun kurashishga majbur qiladi. Filmdagi psixologizm va keskin muhit tomoshabinlarni o‘ziga jalb qiladi.
“Kulrang odam” (The Gray Man, 2022)
FQBning “Serra Olti” (Rayan Gosling) bitiruvchisi tashkilotining mudhish sirlarini bilib qolganida haqiqiy ov boshlanadi. Sobiq agent Lloyd Xansen (Kris Evans) qahramonni yo‘q qilish uchun har narsaga tayyor. “Qasoskorlar” muxlislari uchun aka-uka Russolardan hayratlanarli jangari filmi. Aktyorlarning mahorati, dinamik sahnalar va Evansning dahshatli qiyofasi tomoshabinlarda unutilmas taassurot qoldiradi.
“Biz qahramon bo‘lishimiz mumkin” (We Can Be Heroes, 2020)
Yosh super qahramonlar o‘z ota-onalari va butun dunyoni ularga raxna solayotgan tahdiddan qutqarish uchun birlashadi. Robert Rodrigesning ushbu filmi bolalar auditoriyasi uchun mo‘ljallangan bo‘lib, yoshlarni jasoratga undaydi. Film nafaqat yosh tomoshabinlar uchun, balki oilaviy tomosha qilish uchun ham ayni muddao.
“Ona” (The Mother, 2023)
Sobiq agent (Jennifer Lopez) qizini qutqarish uchun yana ishiga qaytadi. FQB agenti bilan birgalikda u o‘g‘rilarni qo‘lga tushurishni rejalashtiradi. Syujet oddiy bo‘lsa-da, Lopesning keskinligi va xarizmatik roli filmni tomoshabopligini oshiradi.
“Shaffof piyoz: Detektiv Benua Blan” (Glass Onion: A Knives Out Mystery, 2022)
Detektiv Benua Blan (Daniel Kreyg) hashamatli Gretsiya orolida tergov olib boradi. Jumboqlar, fitnalar va kutilmagan burilishlar tergovni yanada murakkablashtiradi. Yorqin aktyorlar, sirli jumboqlar va oldindan nima bo‘lishini taxmin qilib bo‘lmaydigan syujet. Bu shunchaki detektiv film emas, balki zukkolikka to‘la intellektual o‘yin.
“Tayler Reyk: Qutqaruv operatsiyasi” (Extraction, 2020)
Yollanma askar Tayler Reyk (Kris Xemsvort) hind narkobaronining o‘g‘lini qutqarishga harakat qiladi. Aqlbovar qilmaydigan tryuklar, keskinlik va uzluksiz harakat filmni yanada boyitgan. Dinamik jangari film ishqibozlari uchun ideal tanlov.
Izoh (0)