“Kalmar o‘yini” dramasi tufayli olamshumul mashhurlikka erishgan 53 yoshli aktyor Li Jon Je yildan yilga tanilib bormoqda. Yulduzning ijodiy yo‘li va shaxsiy hayoti haqida batafsil ma’lumot beramiz.
- Faoliyati: aktyor, kino, model
- Tug‘ilgan sanasi: 1972-yil 15-dekabr
- Tug‘ilgan joyi: Seul, Janubiy Koreya
- Yoshi: 53
- Bo‘yi: 180
- Oilaviy holati: uylangan
Janubiy koreyalik aktyor Li Jon Je ajoyib karyerasi tufayli podiumlar va kino yulduziga aylandi. Aktyor 50 yoshga to‘lishidan biroz oldin “Kalmar o‘yini” serialida bosh rolni o‘ynab, butun dunyoga mashhur bo‘ldi. Hozirda uning filmografiyasidagi har bir yangi loyiha katta qiziqish uyg‘otmoqda.
Bolalik va o‘smirlik davri
Jon Je yoshligida qahvaxonada ishlagan. Bir kuni u yerga mashhur dizayner tashrif buyurib, yigitdagi xarizmani payqaydi va birga ishlashni taklif etadi. Shu tasodifiy uchrashuvdan so‘ng Li bir necha yil davomida podiumlarga chiqib, model sifatida suratga tushadi.
Jon Je Janubiy Koreyada unga shuhrat keltirgan shokolad reklamasida suratga tushdi. Shundan so‘ng yigitni film suratga olish maydonchalariga ham taklif qila boshlashadi, biroq birinchi loyihadan keyin Li bu kasbga hali tayyor emasligini tushunadi. Aktyorlik sirlarini chuqur o‘rganish uchun Tonguk universitetining teatr san’ati fakultetiga o‘qishga kiradi. U bo‘sh vaqtlarida aktyorlik mahorati bo‘yicha mashg‘ulotlarga qatnardi.
Filmlardagi ishtiroki
Jon Je 1993-yilda “Dinozavrlar o‘qituvchisi” dramasida rol o‘ynab, kino ekranlarida ilk bor ko‘rinish beradi. Shundan so‘ng yosh aktyor to‘liq metrajli film va seriallarda bosh rollarga taklif etila boshlaydi. Lining birinchi katta ishi “Yigitcha” nomli jinoiy drama bo‘ladi. Bu roli uchun seullik aktyor eng yaxshi yangi yulduz sifatida Janubiy Koreyaning nufuzli “Moviy ajdaho” va “Katta qo‘ng‘iroq” mukofotlariga sazovor bo‘ladi. “Tuyg‘u” dramasida suratga tushgandan so‘ng esa Li haqiqiy mashhurlikka erishadi.
Jon Jening kasbiy faoliyatidagi keyingi katta muvaffaqiyatga 1998-yilda “Kunchiqar shahar” dramasi ekranlarga chiqqandan keyin erishadi. Bu roli uchun aktyor navbatdagi “Moviy ajdaho” va Koreya kinotanqidchilar uyushmasi mukofotini qo‘lga kiritadi.
Ikki yil o‘tgach, Li “Dengiz bo‘yidagi uy” melodramasida bosh rolni ijro etadi. Keyinchalik Warner Bros kompaniyasi bu asarni qayta suratga olish huquqini sotib oladi. 2006-yilda “Ko‘l bo‘yidagi uy” nomi bilan qayta ishlangan film chiqadi. Unda Jon Je ijro etgan qahramonni Kianu Rivz o‘ynaydi.
2010-yilda aktyor Kann kinofestivali va Torontodagi Xalqaro kinofestivalda namoyish etilgan “Xizmatkor” trillerida bosh rolni o‘ynaydi va bir nechta Janubiy Koreya va Osiyo mukofotlariga nomzod bo‘ladi.
Shundan so‘ng aktyorning karyerasi asta-sekin tiklana boshlaydi. Shunday qilib, 2012-yilda Li “O‘g‘rilar” komediyasida ham ishtirok etadi, bu keyinchalik Koreya kinosi tarixidagi oltinchi eng ko‘p daromad keltirgan filmga aylanadi. Bir yil o‘tgach, Jon Je “Moviy ajdar” mukofoti va “Baeksang” san’at mukofotiga ikkinchi plandagi eng yaxshi aktyor sifatida sazovor bo‘lgan “O‘quvchi yuz” filmi chiqadi.
2022-yilda Li rejissyor sifatida debyut qiladi. Voqealar 80-yillarda sodir bo‘ladigan “Ov” filmini yaratish uchun aktyorga 4 yil kerak bo‘ldi.
“Kalmar o‘yini”
2021-yil sentyabrda Netflix platformasida premyerasi bo‘lgan 9-qismli “Kalmar o‘yini” dramasi Liga olamshumul mashhurlik olib keldi. Jon Je trillerda qarzlarini to‘lash uchun pulga muhtoj bo‘lgan Song Ki Xun ismli qimorbozni o‘ynagan. Mazkur serial 90 mamlakatda, shu jumladan, AQSH va Buyuk Britaniyada tomoshabinlar reytingida eng yuqori cho‘qqiga ko‘tarildi.
2022-yil kuzida Jon Je “Kalmar o‘yini” dramatik serialidagi eng yaxshi erkak roli uchun “Emmi” mukofotiga sazovor bo‘ldi. Ushbu nominatsiyadagi haykal uchun u bilan birga Jeyson Beytman, Jeremi Strong va Adam Skott kurash olib borishdi.
Loyihaning omad keltirgan 1-mavsumi ijodkorlarni davomini chiqarishga ilhomlantirdi. Suratga olish ishlari 2023-yilning yozida Janubiy Koreyada boshlangan va deyarli bir yil davom etgan.
Biznes va reklama
Aktyorlik faoliyatidan tashqari, Jon Je biznes bilan shug‘ullanadi — aktyor erkaklar kiyimlari va ichki kiyim do‘konlari ochgan. Li, shuningdek, prodyuserlik kompaniyasi va ko‘ngilochar leybl egasi. Aktyor ona shahrida 2000-yilda bosh rolni ijro etgan film sharafiga “Il Mare” deb nomlangan italyan restoranlari tarmog‘iga asos solgan.
2023-yilning yozida Jon Jening Italiyaning Gucci modalar uyi bilan hamkorligi ma’lum bo‘ldi. Tarmoqda The Savoy mehmonxonasi fonida suratga olingan Gucci Valigeria reklama kampaniyasidan suratlar paydo bo‘ldi.
Li Jon Jening shaxsiy hayoti
Hatto mashhur bo‘lsa-da, qaddi-qomati kelishgan aktyor uzoq yillar bo‘ydoq bo‘lgan. 2000-yillarning boshlarida Jon Je aktrisa Kim Min Xi bilan uchrashadi, ammo ular 3 yillik munosabatlardan keyin ajralishgan.
Ajralishdan so‘ng, aktyor Janubiy Koreyaning neft va gaz qazib chiqarish, avtoehtiyot qismlar va boshqa mahsulotlar ishlab chiqarish konglomerati prezidentining to‘ng‘ich qizi Im Se Ryon bilan uchrashayotgani va unga uylanmoqchi ekani haqida mish-mishlar tarqaladi. Biroq ular bu ma’lumotni rad etib, ish bo‘yicha sherik ekanliklarini ta’kidladi.
2020-yil boshida esa Li allaqachon uylangani va ota bo‘lganini ma’lum qilib, muxlislarini hayratda qoldiradi. Fan klubida aktyor 2009-yilda uylangani va bir yildan so‘ng qizli bo‘lganini yozgan. Yana 3 yil o‘tgach, xotini o‘g‘il farzandini dunyoga keltirgan.
Jon Je ushbu faktlarni uzoq yillar davomida yashirgani uchun muxlislaridan uzr so‘rab, nima uchun bunday qilganini tushuntiradi — u yaqinlarini omma diqqat markazida bo‘lishini xohlamagan. Aktyorning aytishicha, uning oilasi xorijda yashaydi.
Hozir Lining karyerasi eng yuqori cho‘qqida. Uni nafaqat Janubiy Koreya, balki xalqaro loyihalarga ham taklif qilishadi. Aktyor ishtirokidagi “Yulduzlar jangi” olamiga asoslangan “Akolit” ilmiy-fantastik miniseriali 2024-yilning asosiy premyerasi bo‘ldi. Serialda Jon Je Solo rolini ijro etgan, uning hamkasblari esa Amanda Stenberg, Dafni Kin va Charli Barnett bo‘lgan.
Aktyor ijro etgan Son Ki Xun 2024-yil dekabr oyida strimingga chiqqan “Kalmar o‘yini”ning 2-mavsumida ham ishtirok etadi. Shubhasiz, mashhur serialning davomi tomoshabinlarga qahramonning shaxsiy hayotidan qiziqarli faktlarni taqdim etadi.
Aktyor haqida qiziqarli faktlar
- 90-yillar oxirida Li mast holda rulga o‘tirib, avtohalokatga uchraydi.
- “Kalmar o‘yini”ning finalida qahramon Jon Jening sochlari qizil. Buning uchun aktyor parik kiyib yurgan.
- Li xayriya ishlari bilan shug‘ullanadi, jumladan, tabiiy ofatlarda yordam berish assotsiatsiyasi bilan hamkorlik qiladi, qiyin vaziyatlarda vatandoshlarga yordam beradi.
Izoh (0)