2024-yilda ko‘plab qiziqarli seriallar suratga olindi. Ularning aksariyati tomoshabinlar qalbidan joy olib, tanqidchilar e’tirofiga sazovor bo‘ldi.
“Haqiqiy detektiv: Tun mamlakati”
O‘ta muvaffaqiyatli birinchi mavsum va muvaffaqiyatsiz ikkinchi mavsumdan so‘ng, uchinchi mavsum o‘rtacha bo‘ldi. Umuman olganda, tomoshabinlarda to‘rtinchi mavsum haqida hech qanday umid yo‘qligi ajablanarli emas. Biroq Jodi Foster yangi hikoyani birinchi mavsumga qaytardi. Filmdagi reallik va g‘ayritabiiylik o‘rtasidagi muvozanat e’tirof etishga arziydi.
“Aybsizlik prezumpsiyasi”
Oilali okrug prokurori o‘z hamkasbi bilan ishqiy munosabatda bo‘ladi, ammo ayol qotillik qurboniga aylanadi. Erkak ishni tekshirishi kerak, lekin u birinchi navbatda u bilan bo‘lgan ishqiy munosabatlarini yashirishga harakat qiladi. Shu sababli bosh qahramon shubha ostiga tushadi.
“Ajdaho uyi”
“Ajdar uyi”ning ikkinchi mavsumdan keyin tomoshabinlarda javoblardan ko‘ra ko‘proq savollar qoldi, ammo fakt faktligicha qoladi — film juda qiziqarli chiqqan.
“Dyuna: Bashorat”
Mashhur rejissyor Deni Vilnyovning yo‘qligiga qaramay, HBO juda qiziqarli serial yaratishga muvaffaq bo‘ldi. “Bene Gesserit” ordeni tarixi birinchi soniyalardanoq hayratlanarli. Bundan tashqari, kostyumlar va maxsus effektlar ham alohida e’tirofga munosib.
“Ayiq”
Hulu “Ayiq” filmi bilan bu yil ham eng yaxshi komediya seriyasiga da’vogarlik qilishi mumkin. Jeremi Allen Uayt hali ham juda yaxshi hazil qiladi, hazillari haligacha kulgili. Ustiga-ustak, serial syujeti juda qiziqarli.
“Ripli”
“Sherlok”dan keyin Endryu Skott kuchli va qiziqarli rollar o‘ynamadi, ammo endi hammasi o‘zgardi. “Ripli”da u sotsiopat va shavqatsiz aferist rolini o‘ynaydi. Mahoratli operatorlik ishi, hayratlanarli aktyorlik iste’dodi va eng muhimi, tanish tarixga ajoyib yondashuv — “Ripli”ni mashhur qildi.
“Pingvin”
“Pingvin” mini-serialini klassik gangster filmlariga havola desa ham bo‘ladi. U operator va kompozitorlarning genial ishlari tufayli qora Gotem atmosferasini tasvirlab beradi.
“Arkeyn”
Filmdagi syujet, musiqa, vizuallik, hissiyotlar — bularning barchasi tomoshabinni befarq qoldira olmaydigan mukammal simfoniyaga to‘plangan.
“Syogun”
Yaponiya haqidagi film g‘oyatda munosib va muvaffaqiyatli bo‘lib chiqdi. Mazkur loyiha Primetime Emmy mukofotlarining to‘rtta statuetkasini bekorga olmagan.
Izoh (0)