Yaxshi detektiv asar shunchaki qiziqarli voqealar bayoni emas, balki aql-idrokni charxlash vositasi hamdir. Bunday filmlar har bir sahnani diqqat bilan tahlil qilishga, yashirin ma’nolarni topishga va qahramonlar bilan birga xulosalar chiqarishga undaydi.
“Aql ovchilari”
Real voqealarga asoslangan film FBRning ikki agenti haqida hikoya qiladi, ular qotillarning xususiyatlarini o'rganib, yangi jinoyatlarni ochish uchun ularning psixologik holatini tushunishga harakat qilishadi. Film qotillarning motivlari va xatti-harakatlarini o'rganishga, shuningdek, so'roq qilishni yangi usullariga qaratilgan.
“Farishta yuragi”
Alan Parker tomonidan suratga olingan mistik elementarga boy detektiv triller. Film g‘oyib bo‘lgan musiqachini izlash uchun sirli mijoz tomonidan yollangan detektiv Garri Enjel haqida hikoya qiladi. Tergov asta-sekin shafqatsizlik, okkultizm va hayratlanarli kashfiyotlarga to‘la xavfli sayohatga aylanadi. Kino o‘zining atmosferasi, kutilmagan syujet burilishlari va ajoyib aktyorlik mahorati bilan mashhur bo‘lgan.
“Eslab ko‘r”
Bosh qahramon Leonard Shelbi amneziyadan aziyat chekadi, bu esa unga yangi hodisalarni yodda tutishga xalaqit beradi. U fotosuratlar, eslatmalar va tatuirovkalardan foydalanib, xotinining qotilini topishga harakat qiladi. Film voqealari teskari xronologik tartibda tasvirlanadi.
“Zodiak”
Film real voqealarga asoslangan bo‘lib, 1960-70-yillarda Kaliforniyada faoliyat yuritgan Zodiak laqabli qotilning jinoyati haqida hikoya qiladi. Syujet markazida jurnalistlar, detektivlar va karikaturachi Robert Greysmit turadi, chunki ular qotillikni ochishga harakat qiladi.
“Grand Budapesht mehmonxonasi”
Voqea Sharqiy Yevropaning xayoliy mamlakatidagi mehmonxonada bo‘lib o‘tadi, u yerda bosh qahramon Gustav X hashamatli muassasani boshqaradi. U badavlat beva ayolni o‘ldirishda ayblanadi va uning sarguzashtlari yirik xalqaro intriganing bir qismi bo‘lgan o‘g‘irlangan suratni qidirish bilan bog‘lanadi.
“Qat’iyat”
Film yosh jazz barabanchisi Endryu Neyman haqida, u buyuk musiqachi bo‘lishga intiladi. Endryu qattiqqo‘l va talabchan o‘qituvchi Terrens Fletcherning qo‘l ostida bo‘ladi. U shogirdlaridan maksimal natijalarni olish uchun manipulyatsiya va shafqatsiz usullardan foydalanadi. Bu esa Endryuning ruhiy va jismoniy salomatligini xavf ostiga qo‘yadi.
Izoh (0)