Netflix — машҳур ва оригинал фильмларни намойиш қилувчи, миллионлаб томошабинлар аудиториясига эга платформа. Ушбу фильмлар экшнга бойлиги ва истеъдодли актёрлари туфайли ҳақиқий хитга айланди. Агар ҳали уларни кўришга улгурмаган бўлсангиз, ҳозир айни вақти.
“Дунёни ортда қолдириб” (Leave thе World Behind, 2023)
Лонг-Айленддаги ижарага олинган уйда дам олаётган оилани сирли воқеалар тинчлигини бузади. Ғалати меҳмонлар ва хавотирли воқеалар қаҳрамонларни омон қолиш учун курашишга мажбур қилади. Фильмдаги психологизм ва кескин муҳит томошабинларни ўзига жалб қилади.
“Кулранг одам” (Тhe Gray Man, 2022)
ФҚБнинг “Серра Олти” (Райан Гослинг) битирувчиси ташкилотининг мудҳиш сирларини билиб қолганида ҳақиқий ов бошланади. Собиқ агент Ллойд Хансен (Крис Эванс) қаҳрамонни йўқ қилиш учун ҳар нарсага тайёр. “Қасоскорлар” мухлислари учун ака-ука Руссолардан ҳайратланарли жангари фильми. Актёрларнинг маҳорати, динамик саҳналар ва Эванснинг даҳшатли қиёфаси томошабинларда унутилмас таассурот қолдиради.
“Биз қаҳрамон бўлишимиз мумкин” (Wе Can Be Heros, 2020)
Ёш супер қаҳрамонлар ўз ота-оналари ва бутун дунёни уларга рахна солаётган таҳдиддан қутқариш учун бирлашади. Роберт Родригеснинг ушбу фильми болалар аудиторияси учун мўлжалланган бўлиб, ёшларни жасоратга ундайди. Фильм нафақат ёш томошабинлар учун, балки оилавий томоша қилиш учун ҳам айни муддао.
“Она” (Тhe Mother, 2023)
Собиқ агент (Женнифер Лопез) қизини қутқариш учун яна ишига қайтади. ФҚБ агенти билан биргаликда у ўғриларни қўлга тушуришни режалаштиради. Сюжет оддий бўлса-да, Лопеснинг кескинлиги ва харизматик роли фильмни томошабоплигини оширади.
“Шаффоф пиёз: Детектив Бенуа Блан” (Glass Onion: А Knives Оut Мystery, 2022)
Детектив Бенуа Блан (Даниэль Крейг) ҳашаматли Греция оролида тергов олиб боради. Жумбоқлар, фитналар ва кутилмаган бурилишлар терговни янада мураккаблаштиради. Ёрқин актёрлар, сирли жумбоқлар ва олдиндан нима бўлишини тахмин қилиб бўлмайдиган сюжет. Бу шунчаки детектив фильм эмас, балки зукколикка тўла интеллектуал ўйин.
“Тайлер Рейк: Қутқарув операцияси” (Extraction, 2020)
Ёлланма аскар Тайлер Рейк (Крис Хемсворт) ҳинд наркобаронининг ўғлини қутқаришга ҳаракат қилади. Ақл бовар қилмайдиган трюклар, кескинлик ва узлуксиз ҳаракат фильмни янада бойитган. Динамик жангари фильм ишқибозлари учун идеал танлов.
Изоҳ (0)