Kinoijodkorlar ham ba’zan kichik xatolarga yo‘l qo‘yadi. Aynan nima sababdan bunday noaniqliklar paydo bo‘lishini aytish qiyin: e’tiborsizlik, nimanidir qayta ishlashda dangasalik yoki ataylab filmga e’tiborni jalb qilishga urinish. Lekin bir narsani aniq aytish mumkin: sinchkov tomoshabinlarning nazaridan hech narsa chetda qolmaydi.
1. “Kelajakka qaytib”
1955-yilda bo‘lgan ota-onasining bitiruv kechasida bosh qahramon 1958-yilda ishlab chiqarilgan Gibson ES-345 gitarasini chaladi. Martinning o‘tmishga sayohat qilganidan 3 yil o‘tibgina chiqarilgan ushbu gitara uning qo‘liga tushib qolgani ajablanarli hol.
2. “Diqqat markazida”
Jinoyat qurboni bilan bo‘lgan suhbat sahnasida jurnalist qiz qaydlar yozib oladi, ammo bloknotda birorta ham so‘z yo‘qligini bemalol ko‘rish mumkin.
3. “Titanik”
Ko‘p miqdordagi organik chiqindilar tufayli okean suvi shaffof bo‘lmaydi. Ammo filmda u juda tiniq ko‘rinadi.
4. “Pearl-Xarbor”
Kechki ovqat paytida Keyt Bekinseyl o‘ynagan qahramoni dastro‘molini unutib chiqib ketadi. Ammo u ketganida stolda dastro‘mol ko‘rinmaydi — bir necha soniyadan so‘ng esa qayerdandir paydo bo‘lib qoladi.
5. “Notting-Hill”
Bosh qahramon Juliya Roberts bilan to‘qnashganda, aktrisa boshini ko‘taradi va uning ko‘zoynagi aksida butun suratga olish guruhini ko‘rish mumkin.
6. “Jinoiy asar”
Kristofer Uolken personajining esdaliklarida soat ma’lum bir vaqtni ko‘rsatadi, lekin kamera soat yuzini kattalashtirishi bilanoq soat millari butunlay boshqa vaqtni ko‘rsatadi.
7. “Aleksandr”
Film boshida keksa Ptolemey I Soter Aleksandr haqida gapirganda, orqa fonda ishlayotgan Iskandariya mayog‘ini ko‘rish mumkin. Gap shundaki, mazkur mayoq Ptolemey I vafotidan keyingina, uning o‘g‘li Ptolemey II Filadelf hukmronligi davrida qurib yakunlangan.
8. “Bir kuni... Gollivudda”
Filmdagi aksariyat qahramonlar antiblik qoplamali ko‘zoynak taqadi. Biroq bunday qoplama faqat 1980-yillarda keng qo‘llanila boshlangan. Demak, Sheron Teyt 1969-yilda bunday turdagi ko‘zoynak taqishi odatiy hol emas.
9. “Oushenning o‘n bir do‘sti”
Bred Pittning ishtahasi yaxshiligini hamma biladi. Shunga qaramay, aktyor qisqa sahnada 2 xil taom yeyishga ulgurishi dargumon.
10. “Frida”
Filmning boshida biz bir guruh erkaklar to‘shakka kishanlangan Fridani olib ketayotganini ko‘ramiz. U boshi ustidagi ulkan oynaga qaraydi, sirg‘alari esa osilib turadi. Yuqoridagi kadrda Salma Xayek aslida tomoshabinlarga ko‘rsatilgandek yotgan emas, tik holatda turibdi.
11. “Bitiruvchi”
Syujetga ko‘ra, film qahramoni San-Fransisko ko‘rfazining sharqiy qirg‘og‘idagi Berkli shahriga boradi. Ammo tomoshabinlar Dastin Xoffman qahramoni ko‘prikning ustida ketayotganini, ya’ni u shahardan qarama-qarshi yo‘nalishdaligini payqash mumkin.
12. “Matritsa”
Eshik turqichining aksida kamera aniq ko‘rinib qolgan. Film ijodkorlari buni yashirish uchun qo‘llaridan kelganini qildilar: hatto kamerani kurtka bilan yopishga ham harakat qilishgan, ammo bu ham yordam bermagan.
13. “Mulen Ruj!”
Sahnalardan birida Nikol Kidman qahramoni ko‘ylagining ingichka tasmalari bir necha soniya birdaniga qalinlashib qoladi.
14. “Mariya-Antuanetta”
Agar diqqat bilan qaralsa, qirolicha o‘g‘lida parik borligini ko‘rish mumkin.
Izoh (1)
Аввал узбек киносини олдинги даражага етказиб кутаринглар кейн хато изласайзла тугри келади