“Niqob” filmidagi ko‘pchilik e’tibor bermagan qo‘pol xatolar va mantiqsiz epizodlar

“Niqob” (1994) filmi Jim Kerri ijro etgan eng mashhur komediyalardan biri bo‘lib, barchaning sevimli kinosiga aylanib ulgurgan. Ammo film qanchalik mashhur va qiziqarli bo‘lmasin, unda har doim kamchilik va nomuvofiqliklar topiladi. Ushbu film ham bundan mustasno emas.

Filmning avvalida quvurga bir qator o‘ralgan zanjir ko‘rsatiladi. Lekin keyingi kadrda quvurda allaqachon 4 qator zanjir hosil bo‘lganini ko‘rish mumkin.

Stenli axlat uyumini odam deb o‘ylaydi. Ammo yuqoridan qaralsa, haqiqatan ham murda ekanini ko‘rish mumkin. Ehtimol, tomoshabinlarga hammasini Stenlining ko‘zi bilan ko‘rsatmoqchi bo‘lishgandir?

Stenli stolida 5,25 dyuymli disketlar turibdi, lekin kompyuterning o‘ziga e’tibor bersangiz, diskovodi faqat 3,5 dyuymli disketlar uchun mo‘ljallangan. Qiziq, unga 5 dyuymli disketlar nega kerak, agar unda mos keladigan diskovod bo‘lmasa?

Esi bor odam bundan 2 soniya oldin unga yopishib olishga uringan shubhali niqobni yana bir marta yuziga yaqinlashtirishi dargumon.

Niqob taqqan Stenli derazadan sakrab, oynani sindiradi. Deraza oynasining parchalari ham u bilan birga pastga tushayotgani aniq ko‘rinib turibdi. Ammo qulab tushganda uning atrofida birorta ham siniqlar yo‘q.

Nahotki klubdagilarning hech biri multfilmdagi bo‘riga aylanayotgan g‘alati mijozni payqamaydi. Tinani quyundek aylantirganini aytmasa ham bo‘ladi.

Niqob bankdan uch qop pul olib chiqadi, lekin Stenli javonida undan ham ko‘p qop borligini ko‘rish mumkin.

Doktor Nyuman Stenliga Odin Lokini Valxaladan haydab yuborganiligini aytadi. Aslida esa Odin Lokini ulkan ilonga bog‘lab qo‘ygan, bu ilon uning yuziga abadiy zahar tomizib turgan.

Stenli butalar orasiga kirib ketgach, oradan bir soniya o‘tar-o‘tmas, u yerdan Niqob chiqib keladi. Tina u Stenli ekanligini darhol fahmlashi kerak edi. Aftidan, uning shunga ham aqli yetmagan.

Politsiya Niqobni tintuv qilganida, uning cho‘ntagidan juda ko‘p g‘alati narsalarni topishadi. Avval bu narsalarning hammasi Niqobning oyoqlari ostida ko‘rsatiladi, keyin esa politsiyachilar oldin ko‘rsatilgan narsalarni uning cho‘ntagidan qanday olishlari ko‘rsatilgan.

Ma’lumki, Niqobning xatti-harakati uni taqqan inson fe’l-atvori bilan bog‘liq. Biroq nima uchun Stenli uni taqqanda kalga, Doriyen esa zamonaviy soch turmagida namoyon bo‘ladi?

Panjaralar orasi shu qadar katta ediki, Stenlining o‘zi ham kuchugi yordamisiz chiqib ketishi mumkin edi.

Politsiyachilardan birontasi boshliqlarini hibsdagi odam bilan mashinada ketayotganiga e’tibor bermagani ajablanarli.

Maylo niqobni pastki qismidan tishlaydi, lekin uni yerga tashlayotganida tepa qismidan tishlab olganiga guvohi bo‘lish mumkin.

Bombada mexanik hisoblagich bor, lekin Niqob xuddi shu bombani yutayotganida hisoblagich oddiy stikerligini ko‘rish mumkin.