Erkinjon Turdimov Sirdaryo viloyati hokimi vazifasini bajaruvchi etib tayinlanishi, Srechko Katanes O‘zbekiston milliy terma jamoasi bosh murabbiyligidan ketishi, Toshkentda milliy liboslarda yurganlar rag‘batlantirilishi kutilayotgani — “Daryo” nashri bugun, 22-yanvarda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda kriminogen vaziyat og‘ir mahallalar haqida prezidentga axborot berib boriladi
Kriminogen vaziyat og‘ir mahallalar bilan yangicha ishlash tartibi joriy etiladi.
Erkinjon Turdimov Sirdaryo viloyati hokimi vazifasini bajaruvchi etib tayinlandi
Viloyatning avvalgi hokimi Akmaljon Mahmudaliyev prezident tanqididan so‘ng lavozimidan ozod etilgandi.
O‘zbekistonda sotuvchilar tovarni vaqtida yetkazib bermasa, penya to‘lashi mumkin
Bu ko‘zda tutilgan qonun loyihasi deputatlar tomonidan birinchi o‘qishda qabul qilindi.
Farg‘onada portlagan “zapravka”: ochiq qolayotgan savollar
Farg‘ona shahridagi yoqilg‘i quyish shoxobchasida portlash sodir bo‘lganiga ham bir oydan oshdi. Holat yuzasidan o‘sha kunning o‘zidayoq jinoyat ishi ochilgani, besh kishi qamoqqa olingani haqida xabar berilgan bo‘lsa-da, hozirga qadar tergov tafsilotlariga doir bir satr ham yangilik e’lon qilingani yo‘q. Qolaversa, ochiq qolayotgan qator savollar borki, jamoatchilik ularning javobini bilishga haqli.
Srechko Katanes O‘zbekiston milliy terma jamoasi bosh murabbiyligidan ketdi
Murabbiy sog‘lig‘idagi muammolar sabab O‘FA bilan tuzilgan shartnomani o‘zaro rozilik bilan bekor qilishga qaror qilgan.
O‘zbekistonda kiberxavfsizlik bo‘yicha universitet tashkil etiladi
Prezident Cyber University davlat universitetini tashkil etish to‘g‘risida qaror qabul qildi.
Toshkentda firibgarlikda ayblanib advokat va yurist ushlandi (video)
Ular 10 yilga ozodlikdan mahrum qilish jazosi tayinlangan fuqaroning jazosini 20 ming evaziga 4 yilga kamaytirib berishni va’da qilgan.
Rossiya va O‘zbekiston 5 yilga harbiy sohada hamkorlik qiladi
Mudofaa vazirlari 2026—2030-yillarga mo‘ljallangan harbiy sohada strategik hamkorlik dasturini imzoladi.
Toshkentda milliy liboslarda yurganlar rag‘batlantirilishi kutilmoqda
Davlat idoralarida milliy libosda yurish tavsiya etiladi, har juma “Milliy liboslar kuni” deb belgilanadi.
Shavkat Mirziyoyev Rossiya mudofaa vazirini qabul qildi
O‘zbekiston—Rossiya strategik sheriklik va ittifoqchilik munosabatlarini yanada rivojlantirish va mustahkamlash masalalari ko‘rib chiqildi.
O‘zbekistonda “mahalla yettiligi” qo‘shimcha moddiy rag‘batlantiriladi
Buning uchun mahallada kriminogen vaziyat barqarorlashishi lozim.
Ikkita viloyatda qor ko‘chishi xavfi eʼlon qilindi
Bunga shu kunlari kutilayotgan yog‘ingarchilik hamda havo haroratining keskin o‘zgarishi sabab bo‘ladi.
Nukus, Buxoro, Farg‘ona va Namangan texnika universitetlari tashkil etiladi
Prezident oliy taʼlim va ilm-fan sohasidagi ustuvor vazifalarga oid taqdimot bilan tanishdi.
Suv xo‘jaligi vaziriga yangi o‘rinbosar tayinlandi
Tayinlovga qadar u Vazirlar Mahkamasida faoliyat yuritgan.
Toshkent viloyatidagi issiqxonada 1,2 mlrd so‘mlik tabiiy gazdan noqonuniy foydalanildi (video)
Holatga aloqador barcha hujjatlar huquq-tartibot organlariga yuborildi.
Jahon banki: O‘zbekiston iqtisodiyoti joriy yilda Qozog‘iston va Qirg‘izistonga qaraganda tezroq, Tojikistonnikidan sekinroq o‘sadi
JB hisobotiga ko‘ra, O‘zbekiston iqtisodiyoti 2024-yilda 6 foizga o‘sgan.
Rasman: Timur Kapadze O‘zbekiston milliy terma jamoasi bosh murabbiyi etib tayinlandi
Kapadze O‘zbekiston MTJning Qatardagi yig‘iniga qo‘shilib, jamoa boshqaruvini qo‘lga oladi.
Toshkent viloyatida ayol eri tomonidan kaltaklandi
37 yoshli erkak protsessual tartibda ushlanib, unga nisbatan jinoyat ishi qo‘zg‘atilgan.
Izoh (0)