Xalq banki tomonidan o‘tkazilgan tenderlar bo‘yicha Antikorrupsiya agentligi izoh berishi, Toshkent viloyatida onasi tomonidan kaltaklangan 4 yoshli qiz vafot etishi, Oliy sud O‘zbekistonda materiallari tarqatilishi taqiqlangan sahifalar ro‘yxatini e’lon qilishi — “Daryo” nashri bugun, 8-yanvarda e’lon qilingan O‘zbekistonning ijtimoiy-siyosiy hayotiga oid e’tiborga molik xabarlarni bir joyga to‘pladi.
O‘zbekistonda aholi dam olishi uchun foydalaniladigan yerlarni muhofaza qilish kuchaytiriladi
Bu ko‘zda tutilgan qonun loyihasi deputatlar tomonidan ikkinchi o‘qishda qabul qilindi.
“Buni hozir to‘xtatmasak, 20 yildan keyin hech qanday qonun yordam bera olmaydi” — Alisher Qodirov elektron sigaretalar haqida
Deputatning ta’kidlashicha, elektron sigaretalar DNKni buzadi, reproduktiv salomatlikka jiddiy ta’sir ko‘rsatadi.
Xalq banki tomonidan o‘tkazilgan tenderlar bo‘yicha Antikorrupsiya agentligi izoh berdi
Mazkur davlat xaridlari “Davlat xaridlari to‘g‘risida”gi va “Raqobat to‘g‘risida”gi qonunlar talablariga zid ravishda o‘tkazilgan.
O‘zbekiston, Qirg‘iziston va Tojikiston bosh vazirlari chegara masalasini muhokama qiladi
Uch tomonlama uchrashuv davlat chegaralari tutashgan nuqtada bo‘lib o‘tadi.
Toshkent viloyatida issiq suv va isitish ta’minoti narxi oshiriladi
Yangi tariflar 1-fevraldan kuchga kiradi.
Toshkent viloyatida onasi tomonidan kaltaklangan 4 yoshli qiz vafot etdi
Qo‘zg‘atilgan jinoyat ishi og‘irroq jazoni ko‘zda tutuvchi qismga qayta malakalanadi.
O‘zbekiston oltin-valyuta zaxiralari 2024-yilda 6,6 mlrd dollarga oshdi
Xalqaro zaxiralarning yillik ko‘payishi oltin narxi omiliga bog‘liq bo‘ldi.
O‘zbekistonning harbiy salohiyati qanday?
Urush davlatlarning, jumladan, O‘zbekistonning ham harbiy qudrati va tayyorgarlik darajasiga e’tibor qaratishga turtki bo‘ldi.
Andijondagi barcha xalq deputatlari kengashlari jamoatchilik muhokamasiga qo‘yilmagan mahalliy byudjetni bir kunda tasdiqladi
Bu Byudjet kodeksi talablariga mutlaqo zid.
Nurullan Erlepesov Qoraqalpog‘iston iqtisodiyot va moliya vaziri etib tayinlandi
U, shuningdek, Qoraqalpog‘iston Vazirlar Kengashi raisining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari bo‘ldi.
Oliy sud O‘zbekistonda materiallari tarqatilishi taqiqlangan sahifalar ro‘yxatini e’lon qildi
Ular orasida Telegram, YouTube, Instagram va Facebook’dagi va audio, video va matn formatdagi materiallar bor.
Sergeli sudi styuardessaga shilqimlik qilgan fuqaroni 5 sutkaga qamadi
Sud kecha, 2025-yilning 7-yanvar kuni bo‘lib o‘tdi.
Yangiyo‘lda ekologiya davlat inspektorlariga xizmat vaqtida jarohat yetkazildi
Hozirda ushbu holat tuman IIB tomonidan o‘rganilmoqda.
O‘zbekiston eng kam oylik maosh to‘lanadigan 154 ta mamlakat orasida 111-o‘rinni egalladi
Ushbu reytingda Avstraliya peshqadam – yiliga 35 515 dollar.
O‘zbekistonda 2025-yili Ai-80 benzini sotuvi cheklanishi mumkin
Shuningdek, 1-maydan Toshkent va Nukus shaharlari hamda viloyat markazlarida ayrim yo‘nalishlarda loyihalarni amalga oshirish taqiqlanadi.
Izoh (0)