Gulnora Karimovaga tegishli bo‘lgan “Sijjak” dam olish maskani Kasaba uyushmasi tasarrufiga o‘tkazilishi, Qamchiq dovonida ikki kishi halok bo‘lishi, Oqqo‘rg‘on tumanidagi kanaldan eshak go‘shti topilishi — “Daryo” nashri bugun, 9-yanvarda e’lon qilingan O‘zbekistonning ijtimoiy-siyosiy hayotiga oid e’tiborga molik xabarlarni bir joyga to‘pladi.
O‘zbekistondan Xitoy, Rossiya va qo‘shni davlatlarga yangi avtobus qatnovlari yo‘lga qo‘yiladi
Transport vazirligi qatnovlarni amalga oshirish istagidagi tashuvchilarga hamkorlik taklif qildi.
Abduqodir Husanov “Manchester Siti”ni tanladi, u Buyuk Britaniya ishchi vizasiga ariza bergan — manba
Husanov va uning agentlari shu oyning oxiriga qadar Manchesterga uchib, shartnoma imzolashi kutilmoqda.
O‘zbekistonda ekofaollar uchun imtiyozlar berish rejalashtirilmoqda
Xususan, bankdan iste’mol krediti olishda chegirma taqdim etiladi.
Gulnora Karimovaga tegishli bo‘lgan “Sijjak” dam olish maskani Kasaba uyushmasi tasarrufiga o‘tkazildi
Ushbu dam olish maskani bir necha bor sotuvga qo‘yilgan, biroq xaridor topilmagandi. Keyinroq uni sotish taqiqlandi.
O‘zbekiston AQSHning yangi ma’muriyati bilan yaqin hamkorlik o‘rnatmoqchi
Xavfsizlik bo‘yicha hamkorlikni kengaytirish, 2025-yilda oliy darajadagi tashrifni tashkil etish rejalashtirilgan.
IIVning tergov departamenti boshlig‘i qabul kunlarida joyida o‘tirmaganini tanqid qilgan advokat bilan uchrashdi
Vazir o‘rinbosari lavozim vazifalaridan tashqari ishlari ko‘pligidan noligan.
Qamchiq dovonida ikki kishi halok bo‘ldi
Ular tog‘ tepaligidan yiqilib, voqea joyida vafot etgan.
Surxondaryoda 112 mln so‘mlik marixuana sotayotgan shaxslar ushlandi
Holat yuzasidan bojxona organlari tomonidan jinoyat ishi qo‘zg‘atilgan.
Oqqo‘rg‘on tumanidagi kanaldan eshak go‘shti topildi (video)
Holat bo‘yicha 3 nafar shaxs gumondor sifatida jalb qilingan.
Toshkent viloyatida 4 yoshli qizini kaltaklab, o‘limiga sabab bo‘lgan ayol qamoqqa olindi
Jinoyat ishi doirasida tergov harakatlari olib borilmoqda.
Surxondaryodagi O‘zbekiston va Afg‘oniston qo‘shma bozoridan reportaj
“Daryo” muxbiri ushbu bozorga borib, do‘kondorlar, xaridorlar va tashrif buyuruvchilar bilan suhbatlashdi.
O‘zbekiston aholisining raqamli savodxonlik darajasi o‘rganiladi
Shveysariya hamkorlik va taraqqiyot agentligi tomonidan O‘zbekistonga 2 mlrd so‘mlik grant mablag‘i ajratildi.
Samarqand va Jizzaxda maktabga olis hududlardan qatnaydigan o‘quvchilar uchun avtobus qatnovi yo‘lga qo‘yiladi
Shuningdek, maktabdan tashqari ta’lim yo‘nalishida katta tajribaga ega davlatlar bilan hamkorlik qilinadi.
Izoh (0)