Toshkentda taksichi va uning sherigi uxlab qolgan yo‘lovchi nomiga 12 mln kredit olishi, Abdusalom Azizov O‘FA prezidentligini tark etishi, Toshkentda 32 yoshli piyoda “GAZ-32221” avtomashinasi urib yuborishi oqibatida vafot etishi — “Daryo” nashri bugun, 21-yanvarda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Bolalarga zaharli ilonlar bilan tomosha qaysi bog‘chada ko‘rsatilgani aniqlandi
Ijtimoiy tarmoqlarda holat aks etgan video tarqalib, keng muhokamalarga sabab bo‘lgandi.
O‘zbekistondagi bir necha tashkilot 5,2 mln kishini daromadli ish bilan ta’minlashga mas’ul bo‘ladi
Aholini daromadli mehnat bilan ta’minlash dasturiga 126 trillion so‘m yo‘naltiriladi.
O‘zbekistonda hokim yordamchilari bir yilda 300 dan ortiq korrupsiyaga oid jinoyatlar qildi
2024-yilda jami 6898 kishi tomonidan 5716 ta korrupsiyaga oid jinoyat sodir etilgan.
Toshkentda taksichi va uning sherigi uxlab qolgan yo‘lovchi nomiga 12 mln so'm kredit oldi
Holat yuzasidan jinoyat ishi qo‘zg‘atildi.
Surxondaryo hokimi 14-yanvar munosabati bilan o‘rinbosarlari va shahar-tuman hokimlarini mukofotlash uchun 661 mln so‘m ajratdi
Viloyat byudjeti 2025-yilda 2 trln 62 mlrd so‘m taqchillik bilan ijro etilishi kutilmoqda. Mazkur summani qoplash uchun respublika byudjetidan transfertlar ajratiladi.
O‘zbekistonda ishsiz aholini kasb-hunarga o‘qitish xarajatlarini qoplash bo‘yicha vaucher tizimi joriy qilinadi
Loyiha 1-fevraldan dastlab Samarqand viloyati va Toshkent shahrida sinovdan o‘tkaziladi.
O‘zbekistonda daraxt ekkan kambag‘al fuqarolarga subsidiya berish yo‘lga qo‘yiladi
Kambag‘al oila a’zolarini jalb etgan holda 20 ming gektar o‘rmon fondi yerlarida sanoatbop, manzarali va mevali daraxt turlaridan iborat o‘rmonlar barpo etiladi.
Shavkat Mirziyoyev Donald Trampni O‘zbekistonga kelishga taklif qildi
O‘zbekiston prezidenti Trampni AQSH prezidenti lavozimiga rasmiy kirishgani bilan tabrikladi.
Yaylovlar Veterinariya va chorvachilikni rivojlantirish qo‘mitasi tizimiga o‘tkazilishi kutilmoqda
Prezident parrandachilikni rivojlantirish va yaylovlardan samarali foydalanish chora-tadbirlari bo‘yicha taqdimot bilan tanishdi.
Buxoroda Ekologiya inspektorlarining mashinasiga shikast yetkazgan shaxslar jarimaga tortildi (video)
Shuningdek, xizmat mashinasiga 6 mln so‘m zarar yetkazilgani aniqlandi va to‘liq undirildi.
Abdusalom Azizov O‘FA prezidentligini tark etdi
Kongress o‘tkazilgunga qadar O‘FA prezidenti vazifalari tashkilot birinchi vitse-prezidenti Ravshan Ermatov zimmasiga yuklatiladi.
O‘zbekistonda Yaponiya universiteti ochilishi mumkin
Shavkat Mirziyoyev Yaponiya xalqaro hamkorlik agentligi prezidenti Akixiko Tanakani qabul qildi.
Toshkentda 32 yoshli piyoda "GAZ-32221" avtomashinasi urib yuborishi oqibatida vafot etdi
Holat yuzasidan jinoyat ishi qo‘zg‘atilgan.
Shavkat Mirziyoyev Erdo‘g‘onga Turkiyaning tog‘-chang‘i kurortidagi kuchli yong‘in yuzasidan hamdardlik yo‘lladi
Davlat rahbari marhumlarning oila aʼzolari hamda yaqinlariga sabr-toqat va bardamlik tiladi.
Saida Mirziyoyeva Yevropa ittifoqining O‘zbekistondagi elchisi Toyvo Klaar bilan uchrashdi
Muloqot davomida “Yevropa ittifoqi – Markaziy Osiyo” sammitiga ko‘rilayotgan tayyorgarlik masalalari muhokama qilindi.
Namangan aeroportida qalin tuman tufayli parvozlarni qabul qilish cheklandi
Bir qator reyslar muqobil aerodromga qo‘ndi.
Izoh (0)