Toshkentning 2045-yilgacha mo‘ljallangan bosh rejasi tasdiqlanishi, Nukus voqealari bo‘yicha tuzilgan komissiya axboroti Oliy Majlisga taqdim etilishi, Botir Qodirovning Jo‘rayevlar oilasiga navbatdagi murojaati — “Daryo” nashri bugun, 26-dekabrda e’lon qilingan O‘zbekistonning ijtimoiy-siyosiy hayotiga oid e’tiborga molik xabarlarni bir joyga to‘pladi.
O‘zbekistonda pedagoglarni kasbiy rivojlantirishning yangicha tizimi yo‘lga qo‘yiladi
Maktabgacha va maktab taʼlimi tashkilotlari xodimlarini uzluksiz kasbiy rivojlanishini tashkil etish tartibi tasdiqlandi.
Toshkentdagi oliygoh mansabdorlariga nisbatan jinoyat ishi qo‘zg‘atildi
740 mln so‘mlik ish haqi ortiqcha to‘lanib, byudjet mablag‘lari talon-toroj qilingan.
Yashnobod hokimining o‘zini mukofotlash to‘g‘risidagi qarori qonuniy ekani bildirildi
Qayd etilishicha, Toshkent shahar hokimining farmoyishiga asosan 12 tumanning barcha 48 ta sektori kesimida o‘tkazilgan baholash natijasida Yashnobod tumani hokimi 1-sektor rahbari B.Rahmonqulov 2-o‘rinni egallagan va unga BHMning 150 baravari miqdorida pul mukofoti ajratilishi belgilangan.
Toshkent hokimi byudjetdan ajratilgan 100 mlrd so‘mga oid qarorni shaxsga doir ma’lumotlar vaji bilan yashirgani aniqlandi
Toshkent shahar hokimi Shavkat Umrzoqov 2024-yilning 10-oktyabr kuni 709-14-0-Q/24 sonli qarorni qabul qilib, yashirib qo‘ygan. Yashirilgan hujjatga “shaxsga oid” degan vaj bilan izoh yozilgan — bu esa qonunchilikka zid.
Toshkentning 2045-yilgacha mo‘ljallangan bosh rejasi tasdiqlandi
Har qanday qurilish ishlarini amalga oshirish tasdiqlangan bosh reja asosida belgilangan tartibda amalga oshiriladi.
Dehqonobod tuman hokimligi tender o‘tkazdi. Unda hokimlikka tegishli bozor g‘olib chiqdi
Qashqadaryo viloyati Dehqonobod tumani hokimligi 14—24-dekabr kunlari kartoshka sotib olish bo‘yicha boshlang‘ich narxi 189 mln 750 ming so‘m bo‘lgan tender o‘tkazgan. “Daryo” muxbiri lot ma’lumotlarini ko‘zdan kechirish jarayonida buyurtmachi va g‘olib o‘rtasida bog‘liqlik borligini aniqladi.
Ko‘kdaladan Qarshiga ketayotgan avtomobilda 50 mln so‘mlik pirotexnika vositalari borligi ma’lum bo‘ldi
Bojxona boshqarmasining Kontrabandaga qarshi kurashish bo‘limi xodimlari pirotexnika vositalarining noqonuniy realizatsiyasiga qarshi kurashish bo‘yicha tezkor tadbir o‘tkazdi.
O‘zbekistonda qurilishi yakunlangan obyektlarni foydalanishga qabul qilish to‘liq raqamlashtiriladi
Bu orqali shaffof tizim joriy etilishi ta’minlanadi.
Nukus voqealari bo‘yicha tuzilgan komissiya axboroti Oliy Majlisga taqdim etildi
Komissiya davlat organlariga bir qator tavsiyalarni berdi.
Shavkat Mirziyoyev aviahalokatda ko‘plab insonlar qurbon bo‘lgani munosabati bilan Ilhom Aliyevga hamdardlik bildirdi
So‘nggi ma’lumotlarga ko‘ra, hodisa oqibatida 38 kishi halok bo‘lgan.
MTRK uchun davlat byudjetidan o‘tgan yilgiga nisbatan 320 milliard so‘mdan ko‘proq mablag‘ ajratiladi
Shundan 107 milliard so‘mdan ko‘proq mablag‘ futbol musobaqalarini yoritishga moslashgan ko‘chma televizion stansiyalar sotib olish uchun sarflanadi.
“Menga shuncha yil taqiq qo‘ydinglar, indamadim. Bolalarda nima ayb?”. Botir Qodirov Jo‘rayevlar oilasiga murojaat qildi (video)
“Qilgan bloklaringni yechib qo‘yinglar, o‘zinglarning hurmatinglarni bilinglar, mening yo‘limda turmanglar”, deydi Botir Qodirov.
Toshkent—Samarqand yo‘nalishidagi poyezdlar uchun yangi temiryo‘lning texnik-iqtisodiy asoslarini tayyorlash boshlandi
Yangi magistral ikki yirik shahar o‘rtasidagi qatnov vaqtini sezilarli darajada qisqartiradi.
O‘zbekistonda mobil aloqa xizmatlari aksiz solig‘idan ozod etildi
Qayta tiklanuvchi energiya manbalari qurilmalarini o‘rnatgan jismoniy va yuridik shaxslar uchun soliq imtiyozlari beriladi.
“Kelgusi yil boshida tartib-taomillarni yakunlab, Yevrosiyo Taraqqiyot bankiga a’zo bo‘lishni rejalashtirmoqdamiz” – Shavkat Mirziyoyev
Prezident Sankt-Peterburg shahrida Oliy Yevrosiyo iqtisodiy kengashining navbatdagi yig‘ilishida kuzatuvchi maqomida ishtirok etdi.
Toshkent yana dunyoning havosi eng iflos shaharlari ro‘yxatidan joy oldi
IQAir portaliga ko‘ra, soat 21:00 atrofida Toshkent havosida mayda PM2,5 dispers zarralarining konsentratsiyasi 139 mkg/m3 ni tashkil etgan – bu JSST tomonidan tavsiya etilgan o‘rtacha havo sifati ko‘rsatkichidan deyarli 28 barobarga ko‘p.
O‘zbekistonning umumiy tashqi qarzi 60 mlrd dollardan oshdi
Shundan davlat tashqi qarzi hajmi qariyb 32,5 mlrd dollar hamda korporativ tashqi qarz hajmi 27,7 mlrd dollarga teng bo‘lgan.
Izoh (0)