Mahalla raislarining vakolat muddati 3 yildan 5 yilga uzaytirilishi, prezident Sirdaryo viloyati hokimi Akmaljon Mahmudaliyevni lavozimidan ozod etishi, Yangiyo‘l tumanida fuqarolar ijtimoiy kartadan foydalanishni boshlashi — “Daryo” nashri bugun, 16-yanvarda e’lon qilingan O‘zbekistonning ijtimoiy-siyosiy hayotiga oid e’tiborga molik xabarlarni bir joyga to‘pladi.
O‘zbekistonda o‘ziga kredit ajratilishini taqiqlash ko‘zda tutilgan qonun qabul qilindi
Jismoniy shaxslar o‘z nomiga kredit olishni to‘xtatib qo‘yish amaliyoti bepul bo‘ladi.
“Dehqonobod kaliy zavodi” o‘tkazgan 10 mlrd so‘mlik tender bekor qilindi
Qayd etilishicha, kelgusida shunga o‘xshash holatlarni yuzaga kelishini oldini olish maqsadida, o‘tkazilgan tender savdosi bo‘yicha hujjatlarni “Davlat xaridlari to‘g‘risida”gi qonun prinsiplariga mosligiga oydinlik kiritish maqsadida vakolatli organlarga murojaat yuborilgan.
“Tashabbusli byudjet” doirasida ayrim buyumlarni xarid qilish taqiqlandi
Mablag‘lardan samarali foydalanish va ijtimoiy muammolarga ko‘proq e’tibor qaratish maqsad qilingan.
O‘zbekistonda mahalla raislarining vakolat muddati 3 yildan 5 yilga uzaytiriladi
O‘zbekistonning ayrim qonun hujjatlariga o‘zgartirish va qo‘shimchalar kiritish to‘g‘risidagi qonun loyihasi qabul qilindi.
Prezident Sirdaryo viloyati hokimi Akmaljon Mahmudaliyevni lavozimidan ozod etdi
16 ta tuman va shahar hokimlariga hayfsan berildi.
Shavkat Mirziyoyev investitsiya rejasini bajarmagan tashkilot rahbarlarini jiddiy ogohlantirdi
Qator vazirlik, agentlik va qo‘mitadagi grant olib kelish rejasini tanqid qildi.
O‘zbekistonda 2025-yili 27 ta tumanda investitsiya 200 mln dollardan oshishi kutilmoqda
10 ta tuman hokimining rejasi 40 million dollarga ham yetmasligi ko‘rsatib o‘tildi.
O‘zbekistonda yil yakunigacha 200 ta tadbirkor xalqaro moliya bozoridan 2 mlrd dollar jalb qilishga tayyorlanadi
Mutasaddilarga tuman va korxonalar kesimida 2025-yilda yangi mahsulotlarni ishlab chiqarish bo‘yicha dastur tayyorlash topshirildi.
Bosh vazir boshchiligida moliya institutlari bilan ishlash bo‘yicha alohida Favqulodda shtab tashkil qilinadi
Shtab har bir loyihaning ichiga kirib, aniq ishlarni amalga oshiradi, har hafta loyihama-loyiha muhokama o‘tkazadi.
2025-yildan boshlab klasterlar paxtaga talabi va narx taklifini birjaga qo‘yadi
Fermerlar esa o‘ziga ma’qulini tanlab, fyuchers shartnomasini tuzadi.
Toshkentda AQSHga ishga yuborish uchun 40 ming dollar olgan shaxs ushlandi
Ushbu davlatga noqonuniy borish bilan bog‘liq firibgarliklar haqida xabar berilishiga qaramay, bunday holatlar yana qayd etilmoqda.
O‘zbeklar qachon kosmosga uchadi? “O‘zbekkosmos” agentligi javob berdi
“Deylik, 100-200 mln dollar — soliq to‘lovchilarning pulini sarflab sun’iy yo‘ldosh uchirildi. Bo‘ldi! To‘g‘ri, 15 daqiqalik vatanparvarlik ruhini his qilib, xursandchilik bo‘ladi. Boshqa hech qanday foyda yo‘q”, deydi mas’ul.
Markaziy bank 100 grammli oltin quymalarni tijorat banklari orqali sotuvga chiqaradi
Quymalar maxsus himoya qadoqlarida sotuv uchun taqdim etiladi.
Yangiyo‘l tumanida fuqarolar ijtimoiy kartadan foydalanishni boshladi
Ushbu karta bir vaqtning o‘zida ham to‘lov vositasi, ham ehtiyojmand toifaga mansublik tasdig‘i hisoblanadi.
To‘rtta hududda yarim mlrd so‘mlik “svet” va gazdan noqonuniy foydalanildi
Holatlar yuzasidan jinoyat ishi qo‘zg‘atilib, tergov harakatlari o‘tkazilmoqda.
Izoh (0)