Prezidentning Toshkent viloyatiga tashrifi, Toshkent va Samarqand o‘rtasida qo‘shimcha “Afrosiyob” poyezdi yo‘lga qo‘yilishi, Konstitutsiyaning 32 yilligi munosabati bilan 483 kishi afv etilishi — “Daryo” nashri bugun, 6-dekabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Toshkent va Samarqand o‘rtasida qo‘shimcha “Afrosiyob” poyezdi yo‘lga qo‘yiladi
Qo‘shimcha qatnovlar 15-dekabrdan boshlab amalga oshiriladi.
Shavkat Mirziyoyev Sadir Japarovni tug‘ilgan kuni bilan tabrikladi
Ikki davlat rahbari do‘stlik, yaxshi qo‘shnichilik va strategik sheriklik munosabatlarini kengaytirish va mustahkamlash masalalarini ham muhokama qildi.
Sobiq sog‘liqni saqlash vaziri Anvar Alimov yangi lavozimni egalladi
Toshkent shahar sog‘liqni saqlash boshqarmasiga yangi rahbar tayinlandi.
Shavkat Mirziyoyev yangi elektropoyezdda Toshkentdan Hojikentga bordi
Davlat rahbari ushbu poyezd harakatlanishi va qulayliklarini ko‘rdi.
Prezident Bo‘stonliqda qurilayotgan “Chorvoq darvozasi” turistik majmuasini borib ko‘rdi
Chirchiq daryosi bo‘yidagi majmuada 16 ta ko‘p qavatli uy, 3 ta mehmonxona, kafe va restoranlar, bank ofisi, akvapark, musiqali favvora, avtoturargoh bo‘ladi.
Shavkat Mirziyoyev Bo‘stonliqda qurilayotgan Ugam River turistik majmuasida bo‘ldi
Prezident bunday maskanlarga sayyohlarni jalb etish bo‘yicha ko‘rsatmalar berdi.
Prezident “Ugam-1” kichik gidroelektr stansiyasini borib ko‘rdi
Loyihani amalga oshirish natijasida Chorbog‘, Humson va Ugamdagi 5 mingta xonadon uzluksiz elektr energiyasi bilan taʼminlanadi.
O‘zbekistonda 2024-yilning 9 oyida aholining o‘rtacha ish haqi qanchaga oshgani ma’lum qilindi
Oliy Majlis Qonunchilik palatasining navbatdagi majlisda davlat byudjetining va davlat maqsadli jamg‘armalari byudjetlarining 2024-yil 9 oyidagi ijrosi to‘g‘risidagi hisobot ko‘rib chiqildi.
Shavkat Mirziyoyev Bo‘stonliqdagi kapsula uylardan iborat turizm maskanida bo‘ldi
Davlat rahbari bunday uylarni Baxmal, Shahrisabz, Boysunda ham o‘rnatish sayyohlar eʼtiborini tortishini aytdi.
Uyg‘un G‘afurov Imom Buxoriy nomidagi Toshkent islom instituti rektori lavozimiga tayinlandi
Muhammadolim Muhammadsiddiqov esa O‘zbekiston musulmonlari idorasi raisining yoshlar ishlari bo‘yicha o‘rinbosari bo‘ldi.
Prezident Konstitutsiya kuni munosabati bilan O‘zbekiston xalqiga bayram tabrigi yo‘lladi
Davlat rahbari barchani “Atrof-muhitni asrash va “yashil iqtisodiyot” yili” bo‘yicha davlat dasturini ishlab chiqishda faollikka chaqirdi.
Konstitutsiyaning 32 yilligi munosabati bilan 483 kishi afv etildi
Afv etilgan shaxslarning 107 nafari jazodan to‘liq ozod qilinadi.
O‘zbekistondagi barcha davlat universitetlarida jamoaviy sport turlari bo‘yicha sport klublari tashkil etiladi
Sport klubi raisi etib ta’lim muassasasi rektori tayinlanadi.
Toshkentning ayrim ko‘chalarida avtomashinalar harakati vaqtincha cheklanadi
Olmazor tumanida 5 ming metrlik ommaviy yugurish musobaqasi o‘tkazilishi rejalashtirilgan.
Izoh (0)