Navoiyda YPX xodimi 16 yoshli bola sabab vafot etishi, Toshkent shahar hokimligi ko‘chmas mulk sotib olishda ehtiyotkor bo‘lishga chaqirishi, BAAda nufuzli sovrinni qo‘lga kiritgan Toshkent Prezident maktabi o‘quvchilarining ota-onasi va ustozi mukofotlanishi — “Daryo” nashri bugun, 20-yanvarda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Urganchdan Qo‘ng‘irotga yangi poyezd qatnovi yo‘lga qo‘yildi
Qatnov Amudaryo ustidan o‘tuvchi yangi ko‘prikda 20-yanvardan yo‘lga qo‘yildi.
O‘zini o‘zi yenggan tadbirkorlar, faoliyat ko‘rsatmayotgan korxonaning ishtiroki — shubhali tenderlarga nazar
“Daryo” O‘zbekiston Respublikasi Tovar-xomashyo birjasida o‘tkazilgan tender savdolari hujjatlarini monitoring qilishda va eng e’tiborga molik savdolar haqida ma’lumot berishda davom etadi.
O‘zbekistonda so‘nggi 5 yilda tadbirkorlar tomonidan qancha ish o‘rinlari yaratilgani ma’lum qilindi
Yangi ish o‘rinlari yaratish bo‘yicha Andijon, Farg‘ona, Xorazm, Samarqand hamda Namangan viloyatlari yetakchilik qilmoqda.
Umra va haj ziyoratchilariga emlanish talab etiladi
Saudiya Arabistoniga boradiganlar 1-fevraldan emlanish sertifikatiga ega bo‘lishi kerak.
Navoiyda YPX xodimi 16 yoshli bola sabab vafot etdi
U otasiga tegishli avtomobilda xodimni urib yuborib, qochib ketgan.
SSV Toshkentda ikki oylik chaqaloq qo‘li amputatsiya qilinganiga izoh berdi
Ijtimoiy tarmoqlarda uning qo‘li tibbiyot xodimlarining noto‘g‘ri muolajasi oqibatida kesib tashlangani haqida xabarlar tarqalgandi.
Toshkent shahar hokimligi ko‘chmas mulk sotib olishda ehtiyotkor bo‘lishga chaqirdi
Hokimlik noqonuniy qurilma va inshootlarni demontaj qilish davom ettirilayotganini bildirdi.
Nukus shahar hokimligi taqiqdagi Malibu-2 sini sotmoqchi, o‘rniga 500 mln so‘mga Kia K5 sotib olingan
Shahar hokimining farmoyishi bilan Malibu-2 avtomobilini belgilangan tartibda auksion orqali sotuvga chiqarish nazarda tutilgan.
eBay O‘zbekistonda soliq to‘lovchi sifatida ro‘yxatdan o‘tdi
Bugungi kunda O‘zbekistonda 64 ta xorijiy kompaniya qo‘shilgan qiymat solig‘i to‘lamoqda.
Toshkentda 6 yoshli bola o‘limiga sabab bo‘lgan quduqni ochiq qoldirgan mas’ulga sud hukmi o‘qildi
U Jinoyat kodeksining 258-moddasi (tog‘-kon, qurilish yoki portlatish ishlari xavfsizligi qoidalarini buzish) 2-qismi “a” bandi bilan aybli deb topildi.
Jizzaxda noqonuniy baliq ovlash natijasida tabiatga qariyb yarim mlrd so‘mlik zarar yetkazildi
Holat yuzasidan sud organlariga taqdim etish va qonuniy choralar ko‘rish uchun tegishli hujjatlar tayyorlandi.
BAAda nufuzli sovrinni qo‘lga kiritgan Toshkent Prezident maktabi o‘quvchilarining ota-onasi va ustozi mukofotlandi (video)
Saida Mirziyoyeva ikki nafar o‘quvchining ota-onasi va ustoziga prezident nomidan mukofot topshirdi.
“Masofaviy audit” axborot tizimiga 110 ta vazirlik va idoraning maʼlumotlar bazasi integratsiya qilinadi
Prezident Hisob palatasi tomonidan 2024-yilda amalga oshirilgan ishlar va 2025-yilgi asosiy vazifalarga oid taqdimot bilan tanishdi.
Saida Mirziyoyeva “Rahbar ayollar maktabi” o‘quv dasturi to‘rtinchi mavsumining ochilish marosimida ishtirok etdi (foto)
Prezident yordamchisi ushbu muhim loyiha rivojlanishda davom etayotgani quvonarli ekanligini taʼkidladi.
O‘zbekistondagi 230 ta tug‘uruq muassasasi uchun 45 turdagi 21 mingta tibbiy uskuna xarid qilinadi
Prezident tibbiyot muassasalarini jihozlash va xizmatlar sifatini oshirishga doir takliflar taqdimoti bilan tanishdi.
“M-25” koni hududida hech qanday kutilmagan vaziyatlar kuzatilmagan – Energetika vazirligi
Kon hududida kichik hajmda to‘plangan gazni xavfsiz yoqish ishlari olib borilmoqda.
Paxta xomashyosining boshlang‘ich narxi Nyu York birjasidagi fyuchers kotirovkalaridan kelib chiqib belgilanadi
Prezidentning “Paxta xomashyosini yetishtirish va sotishda bozor mexanizmlarini qo‘llashni izchil davom ettirish chora-tadbirlari to‘g‘risida”gi farmoni qabul qilindi.
“Nodavlat OTMlardan hech qanday majburiy foiz undirilmaydi” — Oliy taʼlim, fan va innovatsiyalar vazirligi
Vazirlik mazkur masalada nodavlat OTMlariga shartnoma tuzish tavsiyaviy xarakterga ega ekanini maʼlum qiladi.
Izoh (0)