Toshkent shahar hokimligi Yangi yil bayrami munosabati bilan o‘rnatiladigan bayram archalari joylarini eʼlon qilishi, Timur Ishmetov Markaziy bank raisi etib tayinlanishi, Nuriddin Ismoilov avtobus yo‘laklarida harakatlangan transport vositalariga javobgarlik belgilanishiga eʼtiroz bildirishi — “Daryo” nashri bugun, 11-dekabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda teatr va sirk artistlariga malaka toifasi beriladi
Bunday xodimlarning ijodiy faoliyatini baholash mezonlari tasdiqlanadi.
O‘zbekiston bosh archasi qayerga o‘rnatilishi ma’lum qilindi
Poytaxt hokimligi Yangi yil bayrami munosabati bilan o‘rnatiladigan bayram archalari joylarini e’lon qildi.
Trotuar, velosiped va piyodalar yo‘laklari, yashil maydonlarda harakatlanganlik hamda yo‘llarda noqonuniy to‘siqlar o‘rnatganlik uchun javobgarlik belgilanmoqda
Qonun loyihasi deputatlar tomonidan birinchi o‘qishda qabul qilindi.
O‘zbekistonda zargarlik buyumlari ishlab chiqaruvchilarni mol-mulk va yer solig‘idan ozod etish rejalashtirilmoqda
Deputatlar zargarlik sanoatini yanada rivojlantirishga qaratilgan qonun loyihasini birinchi o‘qishda ko‘rib chiqib, qabul qildi.
Timur Ishmetov Markaziy bank raisi etib tayinlanadi
Prezident uning nomzodini Senatga taqdim etdi.
Kambag‘allikni qisqartirish va bandlik vaziriga birinchi o‘rinbosar tayinlandi
Ushbu lavozimni “Xalq banki” boshqaruvi raisi birinchi o‘rinbosari lavozimida faoliyat yuritgan Zafar Azimov egalladi.
Yangi yil munosabati bilan Toshkentning ayrim ko‘chalarida transport harakati cheklandi
Yo‘llar 2025-yilning 15-yanvarigacha yopiq bo‘ladi.
Andijonda uy-joyi “snos”ga tushgan fuqarolarga salkam 7 milliard so‘mlik kompensatsiya pullari undirib berildi
2019-yilda Marhamat tumani markazi “Obod tuman” dasturiga kiritilgan. Ba’zi uylar buzilib, yer uchastkalari davlat ehtiyoji uchun olib qo‘yilgan.
Toshkentda metallni qayta ishlash zavodida qariyb 27 mlrd so‘mlik “svet”dan noqonuniy foydalanildi
Holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
O‘zbekiston 10 oyda qancha elektromobil import qilgani ochiqlandi
Elektromobillar importi o‘tgan yilning mos davri bilan solishtirilganda 6 730 taga oshgan.
Qarshi davlat texnika universiteti tashkil etiladi
Ushbu oliygoh Qarshi muhandislik-iqtisodiyot instituti, Qarshi irrigatsiya va agrotexnologiyalar instituti, TATU Qarshi filiali hamda Toshkent kimyo-texnologiya instituti Shahrisabz filiali negizida tashkil etiladi.
“Har bir yosh toifasidagi inson bog‘da o‘z joyini topa olsin” – prezident qurilish va obodonlashtirish loyihalari taqdimoti bilan tanishdi
Davlat rahbari bog‘larda aholi va turistlar uchun qulay sharoitlarni yaratish bo‘yicha ko‘rsatmalar berdi.
Shavkat Mirziyoyev Vladimir Putin bilan telefon orqali muloqot qildi. Nimalar muhokama qilindi?
Innovatsiyalar, sunʼiy intellekt, taʼlim va tibbiyot sohalarida hamkorlik kengayib borayotgani mamnuniyat bilan qayd etildi.
“Ertaga saylovchilarga nima deymiz?” — Nuriddin Ismoilov avtobus yo‘laklarida harakatlangan transport vositalariga javobgarlik belgilanishiga e’tiroz bildirdi
Oliy Majlis Qonunchilik palatasining navbatdagi majlisida Ma’muriy javobgarlik to‘g‘risidagi kodeksga jamoat transportidan foydalanish samaradorligini oshirishga qaratilgan o‘zgartirish va qo‘shimchalar kiritishni nazarda tutuvchi qonun loyihasi birinchi o‘qishda ko‘rib chiqildi.
Izoh (0)