Эркинжон Турдимов Сирдарё вилояти ҳокими вазифасини бажарувчи этиб тайинланиши, Сречко Катанец Ўзбекистон миллий терма жамоаси бош мураббийлигидан кетиши, Тошкентда миллий либосларда юрганлар рағбатлантирилиши кутилаётгани — “Дарё” нашри бугун, 22 январда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда криминоген вазият оғир маҳаллалар ҳақида президентга ахборот бериб борилади
Криминоген вазият оғир маҳаллалар билан янгича ишлаш тартиби жорий этилади.
Эркинжон Турдимов Сирдарё вилояти ҳокими вазифасини бажарувчи этиб тайинланди
Вилоятнинг аввалги ҳокими Акмалжон Маҳмудалиев президент танқидидан сўнг лавозимидан озод этилганди.
Ўзбекистонда сотувчилар товарни вақтида етказиб бермаса, пеня тўлаши мумкин
Бу кўзда тутилган қонун лойиҳаси депутатлар томонидан биринчи ўқишда қабул қилинди.
Фарғонада портлаган “заправка”: очиқ қолаётган саволлар
Фарғона шаҳридаги ёқилғи қуйиш шохобчасида портлаш содир бўлганига ҳам бир ойдан ошди. Ҳолат юзасидан ўша куннинг ўзидаёқ жиноят иши очилгани, беш киши қамоққа олингани ҳақида хабар берилган бўлса-да, ҳозирга қадар тергов тафсилотларига доир бир сатр ҳам янгилик эълон қилингани йўқ. Қолаверса, очиқ қолаётган қатор саволлар борки, жамоатчилик уларнинг жавобини билишга ҳақли.
Сречко Катанец Ўзбекистон миллий терма жамоаси бош мураббийлигидан кетди
Мураббий соғлиғидаги муаммолар сабаб ЎФА билан тузилган шартномани ўзаро розилик билан бекор қилишга қарор қилган.
Ўзбекистонда киберхавфсизлик бўйича университет ташкил этилади
Президент Cyber University давлат университетини ташкил этиш тўғрисида қарор қабул қилди.
Тошкентда фирибгарликда айбланиб адвокат ва юрист ушланди (видео)
Улар 10 йилга озодликдан маҳрум қилиш жазоси тайинланган фуқаронинг жазосини 20 минг эвазига 4 йилга камайтириб беришни ваъда қилган.
Россия ва Ўзбекистон 5 йилга ҳарбий соҳада ҳамкорлик қилади
Мудофаа вазирлари 2026—2030 йилларга мўлжалланган ҳарбий соҳада стратегик ҳамкорлик дастурини имзолади.
Тошкентда миллий либосларда юрганлар рағбатлантирилиши кутилмоқда
Давлат идораларида миллий либосда юриш тавсия этилади, ҳар жума “Миллий либослар куни” деб белгиланади.
Шавкат Мирзиёев Россия мудофаа вазирини қабул қилди
Ўзбекистон—Россия стратегик шериклик ва иттифоқчилик муносабатларини янада ривожлантириш ва мустаҳкамлаш масалалари кўриб чиқилди.
Ўзбекистонда “маҳалла еттилиги” қўшимча моддий рағбатлантирилади
Бунинг учун маҳаллада криминоген вазият барқарорлашиши лозим.
Иккита вилоятда қор кўчиши хавфи эълон қилинди
Бунга шу кунлари кутилаётган ёғингарчилик ҳамда ҳаво ҳароратининг кескин ўзгариши сабаб бўлади.
Нукус, Бухоро, Фарғона ва Наманган техника университетлари ташкил этилади
Президент олий таълим ва илм-фан соҳасидаги устувор вазифаларга оид тақдимот билан танишди.
Сув хўжалиги вазирига янги ўринбосар тайинланди
Тайинловга қадар у Вазирлар Маҳкамасида фаолият юритган.
Тошкент вилоятидаги иссиқхонада 1,2 млрд сўмлик табиий газдан ноқонуний фойдаланилди (видео)
Ҳолатга алоқадор барча ҳужжатлар ҳуқуқ-тартибот органларига юборилди.
Жаҳон банки: Ўзбекистон иқтисодиёти жорий йилда Қозоғистон ва Қирғизистонга қараганда тезроқ, Тожикистонникидан секинроқ ўсади
ЖБ ҳисоботига кўра, Ўзбекистон иқтисодиёти 2024 йилда 6 фоизга ўсган.
Расман: Тимур Кападзе Ўзбекистон миллий терма жамоаси бош мураббийи этиб тайинланди
Кападзе Ўзбекистон МТЖнинг Қатардаги йиғинига қўшилиб, жамоа бошқарувини қўлга олади.
Тошкент вилоятида аёл эри томонидан калтакланди
37 ёшли эркак процессуал тартибда ушланиб, унга нисбатан жиноят иши қўзғатилган.
Изоҳ (0)