Jizzaxda ilonni tiriklay yegan fuqaro jarimaga tortilishi, Paynet Humo to‘lov tizimini sotib olishi, Samarqandda aroqdan zaharlanish oqibatida vafot etgani aytilayotgani 5 nafar erkak — “Daryo” nashri bugun, 13-yanvarda e’lon qilingan O‘zbekistonning ijtimoiy-siyosiy hayotiga oid e’tiborga molik xabarlarni bir joyga to‘pladi.
Jizzaxda ilonni tiriklay yegan fuqaro jarimaga tortildi
Shuningdek, tabiatga 1 125 000 so‘m zarar yetkazilgan deb topildi.
O‘zbekiston Qurolli Kuchlarining qudrati yanada oshiriladi
Jahonda sodir bo‘layotgan murakkab global jarayonlarni inobatga olgan mamlakatning mudofaa qobiliyati va harbiy salohiyatini ham yanada oshirish maqsad qilingan.
“Haydovchisi va qo‘riqchilari mayda bezorilikda ayblanib, 15 sutkaga qamalgan”. Allamjonovga suiqasd ishiga aloqador yana bir sud tafsiloti
2024-yilning 26-oktyabr kuni tunda sobiq amaldor Komil Allamjonovga suiqasd uyushtirilgandi.
O‘zbekistonda ichimlik suv sifati monitoringini yuritadigan markaziy laboratoriyalar tashkil etiladi
Bu 2025-yilga mo‘ljallangan davlat dasturi loyihasida ko‘zda tutilgan.
PFL liboslar to‘g‘risidagi nizom o‘zgarishlari haqida: Bu yildan turli irim-sirimlarga yo‘l qo‘yilmaydi
Endilikda tashkilot futbolchilarning ism-familiyasi o‘zbek tilida yozilishini talab qilish huquqiga ega bo‘ladi. Bundan tashqari, uy liboslarida ham qat’iy qoida belgilanadi.
Paynet Humo to‘lov tizimini sotib oldi
Kompaniya 3 nafar talabgordan eng yuqori narx — 65 mln dollar taklif qilgan.
O‘zbekistonda hafta davomida qanday ob-havo bo‘lishi ma’lum qilindi
Havo harorati bir necha darajaga pasayadi.
Samarqandda 5 nafar erkak vafot etdi. Ular aroqdan zaharlangan bo‘lishi mumkin
Holat yuzasidan tergovga qadar tekshiruv harakatlari olib borilmoqda.
“Dehqonobod kaliy zavodi” qonunchilikka zid ravishda tender o‘tkazdi
Ushbu aksiyadorlik jamiyati boshlang‘ich qiymati salkam 11 mlrd so‘mlik tender o‘tkazdi. Unda “Davlat xaridlari to‘g‘risida”gi qonun talablari qo‘pol ravishda buzilgan.
Samarqand va Toshkentda fuqarolarni AQSHga yuborishni va’da qilgan shaxslar qo‘lga olindi
Hozirda mazkur shaxslarga nisbatan jinoyat ishi qo‘zg‘atilib, tergov harakatlari olib borilmoqda.
Navoiy va Samarqandda “prava” olib berishni va’da qilgan shaxslar ushlandi
Holatlar yuzasidan jinoyat ishlari qo‘zg‘atilib, tergov harakatlari o‘tkazilmoqda.
Harbiy xizmatchilar va huquqni muhofaza qilish organlari xodimlaridan bir guruhi mukofotlandi
Prezidentning tegishli farmoni qabul qilindi.
Namangan va Andijonda qariyb 3 mlrd so‘mlik “svet”dan noqonuniy foydalanish holatlari aniqlandi
Holatlar yuzasidan jinoyat ishlari qo‘zg‘atilib, tergov harakatlari o‘tkazilmoqda.
Uch tumanda fuqarolarni ishga kiritishga va’da berib, pora olgan shaxslar ushlandi
Holatlar yuzasidan jinoyat ishi qo‘zg‘atilib, tergov harakatlari o‘tkazilmoqda.
Shavkat Mirziyoyev BAAga yetib bordi (foto)
Abu-Dabi xalqaro aeroportida davlat rahbarini mamlakat vitse-prezidenti Shayx Mansur Ol Nahayon kutib oldi.
Toshkentda “peshexod”dan o‘tayotgan piyodalar mashina urib ketishi oqibatida jarohatlandi (video)
BYD avtomashinasi piyodalarga yo‘l berish maqsadida to‘xtagan Nissan’ning orqa qismiga urilgan.
Izoh (0)