Toshkentda bir kechada 7 ta avtomobil YTHga uchrashi, Xitoy—Qirg‘iziston—O‘zbekiston temiryo‘li qurilishi boshlanishi, UzAutoMotors va UzAutoMotors Powertrain bosh direktori Bo Andersson o‘z faoliyatini yakunlashi — “Daryo” nashri bugun, 27-dekabrda e’lon qilingan O‘zbekistonning ijtimoiy-siyosiy hayotiga oid e’tiborga molik xabarlarni bir joyga to‘pladi.
Andijon viloyati hokimi o‘rinbosari Avazbek Ergashev vafot etdi
Avazbek Ergashev Qo‘rg‘ontepa tumaniga 15 yil hokimlik qilgan, Sirdaryo va Andijon viloyatlari hokimi o‘rinbosar vazifalarida ishlagan.
Toshkentda bir kechada 7 ta avtomobil YTHga uchradi
Oqibatda ikki haydovchi va bir yo‘lovchi jarohat olgan.
Qoraqalpog‘iston ilmiy-amaliy tibbiyot akademiyasi tashkil etiladi
Akademiya tarkibida ilmiy-tadqiqot laboratoriyasi, o‘quv-simulyatsion markaz va mehmonxona bo‘ladi.
Bosh reja tasdiqlandi: kelgusi 20 yilda Toshkent shahrida nimalar o‘zgaradi?
Yangi tartibga ko‘ra, endi poytaxtda qurilish talablarini buzganlar jazolanadi.
“Bu chinakam tarixiy voqea”. Shavkat Mirziyoyev Xitoy—Qirg‘iziston—O‘zbekiston temiryo‘li qurilishi boshlangani haqida
Loyihani ishga tushirish marosimida Jamshid Xo‘jayev so‘zga chiqib, prezidentning qutlov so‘zlarini o‘qib eshittirdi.
UzAutoMotors va UzAutoMotors Powertrain bosh direktori Bo Andersson o‘z faoliyatini yakunladi
“O‘tgan 3,5 yil davomida erishgan barcha natijalar butun jamoamiz: muhandislar, menejerlar, ustalar va eng muhimi ishchilar mehnatining samarasidir”, dedi Andersson.
Namanganda 25 yoshli ayol o‘zini va ikki nafar o‘g‘lini Farg‘ona kanaliga tashlab yubordi
Holat yuzasidan jinoyat ishi qo‘zg‘atildi.
KHAYning Maxtumquli ko‘chasi bilan kesishmasidagi qismi avtomobillar harakati uchun vaqtincha yopiladi
Bunga Yashnobod tumanida yo‘l qurilish-ta’mirlash ishlari olib borilishi sabab bo‘ladi.
Buxoroda 3,6 magnitudali zilzila sodir bo‘ldi
Zilzila episentri Toshkentdan 525 km janubi-g‘arbda.
Buxoro, Farg‘ona va Toshkent viloyatlarida 2025-yili “bulutli” ma’lumotlar markazi ishga tushiriladi
Prezident sun’iy intellekt texnologiyalarini hamda telekommunikatsiyalarni rivojlantirish bo‘yicha rejalar taqdimoti bilan tanishdi.
Surxondaryoda ayol 15 yoshli qizini doimiy tarzda kaltaklab kelgani aniqlandi
Ayolga nisbatan jinoyat ishi qo‘zg‘atilib, hozirda dastlabki tergov harakatlari olib borilmoqda.
Bosh prokuratura Komil Allamjonovni o‘ldirish uchun yollangan shaxslar bo‘yicha ma’lumot berdi
B.Rasayev va Sh.Temirxanovlar Jinoyat kodeksining tegishli moddalari bilan sirtdan ayblanuvchi tariqasida jalb qilingan.
Izoh (0)