Cyber university davlat universitetini tashkil etish to‘g‘risida” prezidentning 2025-yil 20-yanvardagi qarori qabul qilindi. Bu haqda Raqamli texnologiyalar vazirligi matbuot xizmati xabar berdi.
Qarorga ko‘ra, universitetning asosiy vazifalari etib quyidagilar belgilanmoqda:
- axborotni himoyalash, axborot va kiberxavfsizlik, raqamli texnologiyalar va raqamli iqtisodiyot, sun’iy intellektga asoslangan avtomatlashtirilgan axborot-taxdiliy tizimlarni yaratish, robototexnika va boshqa turdosh sohalar bo‘yicha kadrlar tayyorlash;
- raqamli texnologiyalar sohasida mutaxassislarni qayta tayyorlash va malakasini oshirish;
- o‘quv jarayonini ilg‘or xorijiy tajriba va zamonaviy ta’lim texnologiyalari asosida tashkil etish hamda ochiq axborot-ta’lim muhitining rivojlanishiga ko‘maklashish;
- yoshlarning bilim olishi va kasb egallashiga qo‘shimcha shart-sharoitlar yaratish, davlat organlari, korxonalari hamda boshqa tashkilotlarni kadrlar bilan ta’minlashda saralash va qamrovni kengaytirish;
- o‘quv va ilmiy loyihalarni amalga oshirishda yetakchi respublika va xorijiy oliy ta’lim hamda ilmiy-tadqiqot tashkilotlari, raqamli texnologiyalar ishlab chiquvchilari va iste’molchilari, boshqa sohaviy korxonalar bilan hamkorlik qilish;
- tegishli ta’lim yo‘nalishlari va mutaxassisliklari bo‘yicha o‘quv- metodik adabiyotlarni yaratish, talabalar va mutaxassislarni jalb qilgan holda fundamental, ilmiy va amaliy tadqiqotlar olib borish.
2023-yilning sentyabrida Toshkentda kiberxavfsizlik bo‘yicha o‘quv va ilmiy-tadqiqot markazi tashkil etilishi xabar qilgandi.
O‘zbekistonda yangi tashkil etilgan universitetlar
2024-yilda Amerika texnologiyalar universiteti ochildi. Navoiy davlat pedagogika instituti negizida Navoiy davlat universiteti, Andijondagi ikkita institut hamda bitta fakultet negizida esa Andijon davlat texnika instituti tashkil etilishi ma’lum qilindi. Qashqadaryodagi ikkita institut va ikkita OTM filiali negizida Qarshi davlat texnika universiteti tashkil etilishi belgilandi.
Izoh (0)