Jahon banki “Global iqtisodiy istiqbollar” hisobotini eʼlon qildi. Hisobotda Yevropa va Markaziy Osiyo uchun tendensiyalar, prognozlar va xavflar tahlil qilinadi.
Prognozlarga ko‘ra, O‘zbekiston yalpi ichki mahsuloti o‘sishi 2024-yil oxirida 6 foizni tashkil etdi.
Kelgusi yillar uchun prognoz
Jahon banki prognozida maʼlum qilinishicha, O‘zbekiston iqtisodiyoti 2025-yili 5,8 foiz, 2026-yili esa 5,9 foiz o‘sadi. Taʼkidlash lozim, bu – Yevropa va Markaziy Osiyo mintaqasidagi davlatlar orasida eng yuqori ko‘rsatkichlardan biri hisoblanadi.
2024-yilning oktyabr oyida ham O‘zbekiston iqtisodiyoti 2025 va 2026-yillarda mos ravishda 5,8-5,9 foiz o‘sishi haqida maʼlum qilingandi.
Avvalroq O‘zbekistonda 2024-yili yalpi ichki mahsulot 6,5 foizga oshib, 115 milliard dollarga yetgani maʼlum qilingan.
Markaziy Osiyo mamlakatlari iqtisodiyotiga prognoz
Jahon banki prognozlariga ko‘ra, Qozog‘iston iqtisodiyoti 2025-yili 4,7 foiz, 2026-yili esa 3,5 foizga o‘sadi.
Qirg‘iziston iqtisodiyoti esa 2025 va 2026-yillarda bir xil – 4,5 foiz o‘sishi prognoz qilingan.
Tojikiston iqtisodiyoti 2022-yili 8 foizga, 2023-yili 8,3 va 2024-yili 8 foizga o‘sgan. Prognozlarga ko‘ra, 2025-yili 6 foiz, 2026-yili esa 5 foiz o‘sishi kutilmoqda.
2024-yilning dekabr oyida S&P Global Ratings agentligi O‘zbekistonning iqtisodiy o‘sishi 2025-yildan 5,5 foizgacha sekinlashishini prognoz qilgandi.
Izoh (0)