Talabalar uchun qishki taʼtil muddati belgilanishi, Toshkent viloyatidagi korxonada gaz portlashi oqibatida bir kishi vafot etishi, deputatlar 9 daqiqada vazirlik va idoralarning 2024-yildagi xarajatlari oshirilishini maʼqullashi — “Daryo” nashri bugun, 5-dekabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda talabalar uchun qishki ta’til muddati belgilandi
OTM talabalari, texnikum, kollej, kasb-hunar maktabi va akademik litseylar o‘quvchilari 14 kun dam oladi.
“Hammaga teng raqobat bo‘lishi shart” — elektron bozor, marketpleyslar va mavjud muammolar haqida
“Daryo” ushbu mavzuda elektron tijorat vakillari — O‘zbekiston “Sellerlar” uyushmasi raisi Timur Rashidov, Uzum Market sotuvchisi Muhammadjon Murodjonov hamda iqtisodchi Otabek Bakirov bilan suhbatlashdi.
O‘zbekistonda ilk marta noyob arteriya va aorta jarrohlik amaliyoti o‘tkazildi
Jarrohlik davomida katta kesiklar qilinmasdan, endoprotez aorta ichiga joylashtirildi, natijada qon oqimi tiklanib, bemor hayotining xavfsizligi ta’minlandi.
Toshkent viloyatidagi korxonada gaz portlashi oqibatida bir kishi vafot etdi
Yana 6 nafar fuqaro tan jarohati olib, shifoxonaga yotqizilgan.
Ombudsmanga 10 oyda ruhiy, jismoniy bosim o‘tkazilgani yuzasidan 158 ta shikoyat kelib tushdi
Qiynoqqa solish holatlarini aniqlash va oldini olish yuzasidan amalga oshirilgan ishlar yuzasidan ma’lumot berildi.
“O‘zkimyosanoat”ga yangi rahbar tayinlandi
Ushbu lavozimni avval ham “O‘zkimyosanoat”da ishlagan Odil Temirov egalladi.
“Atom energiyasi bo‘yicha ilg‘or texnologiyalarning joriy etilishi mamlakatimiz taraqqiyotiga kuchli turtki beradi” — Shavkat Mirziyoyev
Samarqandda atom energiyasidan tinch maqsadlarda foydalanishga bag‘ishlangan xalqaro konferensiyada prezident murojaati o‘qib eshittirildi.
O‘zbekiston inson huquqlari “Ezgulik” jamiyati Fransiyaning “Ozodlik, tenglik, birodarlik” xalqaro mukofoti bilan taqdirlandi
Ushbu mukofotning maqsadi butun dunyoda inson huquqlarini ilgari surish va himoya qilishda fuqarolik jamiyatining asosiy rolini tan olishdir.
Shavkat Mirziyoyev Gurbanguli Berdimuhamedov bilan xalqaro vaziyat va mintaqaviy kun tartibini muhokama qildi
Suhbat chog‘ida O‘zbekiston prezidenti Turkmaniston yetakchisini Betaraflik kuni bilan samimiy tabrikladi.
O‘zbekistonda 2025-yili avtomobil eksportini 700 mln dollardan oshirish rejalashtirilmoqda
Prezident avtomobil sanoatida 2025-yil uchun ustuvor vazifalarga oid taqdimot bilan tanishdi.
Toshkentda 1,5 soat ichida ikkita YTH sodir bo‘ldi
Hodisalar oqibatida jarohatlanganlar yo‘q.
Farg‘onadagi issiqxonada 1,6 mlrd so‘mlik tabiiy gazdan noqonuniy foydalanildi
To‘plangan barcha hujjatlar qonuniy baho berish uchun huquqni muhofaza qiluvchi organlarga yuborildi.
Issiqlik ta’minoti obyektlari qish mavsumiga 100 foiz tayyor — Qurilish va uy-joy kommunal xo‘jaligi vazirligi
Elektr energiyasida uzilishlar bo‘lgan vaqtda ham issiqlik ta’minotini bir me’yorda ushlab turish uchun qozonxonalarni generatorlar bilan jihozlash belgilangan.
Deputatlar 9 daqiqada vazirlik va idoralarning 2024-yildagi xarajatlari oshirilishini maʼqulladi
Ushbu holatga jamoatchilik faollari va parlament vakillari munosabat bildirdi.
Muzaffar Komilov O‘zbekiston xalqaro islom akademiyasi rektori etib tayinlandi
Uyg‘un G‘afurov esa boshqa ishga o‘tishi munosabati bilan akademiya rektori lavozimidan ozod etildi.
Izoh (0)