Temiryo‘l chiptalari narxi yana oshirilishi, Xitoyda tarqalayotgan virus O‘zbekistonda ham aniqlanishi, tijorat banklarida dollar sotuv kursi 13 000 so‘mga chiqishi, Andijondagi xonadonda gaz portlashi — “Daryo” nashri bugun, 6-yanvarda e’lon qilingan O‘zbekistonning ijtimoiy-siyosiy hayotiga oid e’tiborga molik xabarlarni bir joyga to‘pladi.
O‘zbekistonda temiryo‘l chiptalari narxi yana oshiriladi
“Afrosiyob” poyezdlari chipta narxlari 20-25 foizga, “Sharq”, “Nasaf” va “O‘zbekiston” poyezdlari chipta narxlari 30 foizga qimmatlaydi.
Xitoyda tarqalayotgan virus O‘zbekistonda ham aniqlandi
Respublikada o‘tkir respirator infeksiyalarga chalinish holatlarining mavsumiy ko‘tarilishi kuzatilmoqda.
O‘zbekiston tijorat banklarida dollar sotuv kursi 13 000 so‘mga chiqdi
Ayrimlarida ushbu valyuta 13 005 so‘mdan sotilmoqda.
O‘zbekistonda “bog‘cha puli”ni yangi usulda to‘lash imkoniyati yaratiladi
Davlat bog‘chalarida oziq-ovqat harajatlarini avtomatik hisoblash joriy etiladi.
Andijondagi xonadonda gaz portladi
Oqibatda to‘rt kishi kuyish jarohatini oldi, ulardan biri vafot etdi.
Respublika pediatriya markazi metapnevmovirusga chalingan bolalar bilan to‘lgani rad etildi
SSV markaz yuqumli kasalliklarga chalingan bemorlarni qabul qilish va davolashga ixtisoslashtirilmaganini bildirib, holatga izoh berdi.
“Kolxoz” raisidan bir oyog‘i Amerikadagi savolgacha — 2024-yilda amaldorlar tomonidan aytilgan “qanotli” iboralar
O‘tgan 2024-yil davomida ayrim mansabdor, deputat va hokimlarning chiqishlari bahs-munozaralarga sabab bo‘lib, tarmoqlarda muhokamalar markazida turdi. “Daryo” shularning bir nechtasini jamladi.
Surxondaryoda o‘quvchilar sovuq havoda yupun kiyimda tadbirga jalb qilindi
Bunga sabab bo‘lgan mansabdorlar javobgarlikka tortildi.
Shahram G‘iyosov ayiq bilan jang qilgani uchun jarimaga tortildi
Ayiq Farg‘ona hayvonot bog‘iga topshirildi.
Shavkat Mirziyoyev qisqa muddatli mehnat ta’tiliga chiqdi
O‘zbekiston prezidenti 6-yanvardan ta’tilga chiqdi.
O‘zbekistonning to‘rtta hududida haj va umra ziyoratlari bilan bog‘liq firibgarlik holatlari aniqlandi
Holatlar yuzasidan jinoyat ishlari qo‘zg‘atilib, tergov harakatlari olib borilmoqda.
Navoiy viloyatida 3,6 magnitudali zilzila sodir bo‘ldi
Zilzila soat 20:25 da Tomdi tumanida sodir bo‘lgan.
Toshkentda noqonuniy tarzda dori savdosi bilan shug‘ullanib kelgan shaxslar ushlandi
Holat yuzasidan jinoyat ishi qo‘zg‘atilib, tergov harakatlari o‘tkazilmoqda.
Izoh (0)