Синчков томошабинларнинг ҳам эътиборидан четда қолган машҳур фильмлардаги хатоликлар

Киноижодкорлар ҳам баъзан кичик хатоларга йўл қўяди. Айнан нима сабабдан бундай ноаниқликлар пайдо бўлишини айтиш қийин: эътиборсизлик, ниманидир қайта ишлашда дангасалик ёки атайлаб фильмга эътиборни жалб қилишга уриниш. Лекин бир нарсани аниқ айтиш мумкин: синчков томошабинларнинг назаридан ҳеч нарса четда қолмайди.

1. “Келажакка қайтиб”

1955 йилда бўлган ота-онасининг битирув кечасида бош қаҳрамон 1958 йилда ишлаб чиқарилган Гибсон ЭС-345 гитарасини чалади. Мартиннинг ўтмишга саёҳат қилганидан 3 йил ўтибгина чиқарилган ушбу гитара унинг қўлига тушиб қолгани ажабланарли ҳол.

2. “Диққат марказида”

Жиноят қурбони билан бўлган суҳбат саҳнасида журналист қиз қайдлар ёзиб олади, аммо блокнотда бирорта ҳам сўз йўқлигини бемалол кўриш мумкин.

3. “Титаник”

Кўп миқдордаги органик чиқиндилар туфайли океан суви шаффоф бўлмайди. Аммо фильмда у жуда тиниқ кўринади.

4. “Пёрл-Харбор”

Кечки овқат пайтида Кейт Бекинсейл ўйнаган қаҳрамони дастрўмолини унутиб чиқиб кетади. Аммо у кетганида столда дастрўмол кўринмайди — бир неча сониядан сўнг эса қаердандир пайдо бўлиб қолади.

5. “Ноттинг-Ҳилл”

Бош қаҳрамон Жулия Робертс билан тўқнашганда, актриса бошини кўтаради ва унинг кўзойнаги аксида бутун суратга олиш гуруҳини кўриш мумкин.

6. “Жиноий асар”

Кристофер Уолкен персонажининг эсдаликларида соат маълум бир вақтни кўрсатади, лекин камера соат юзини катталаштириши биланоқ соат миллари бутунлай бошқа вақтни кўрсатади.

7. “Александр”

Фильм бошида кекса Птолемей I Сотер Александр ҳақида гапирганда, орқа фонда ишлаётган Искандария майоғини кўриш мумкин. Гап шундаки, мазкур майоқ Птолемей I вафотидан кейингина, унинг ўғли Птолемей II Филаделф ҳукмронлиги даврида қуриб якунланган.

8. “Бир куни... Голливудда”

Фильмдаги аксарият қаҳрамонлар антиблик қопламали кўзойнак тақади. Бироқ бундай қоплама фақат 1980 йилларда кенг қўлланила бошланган. Демак, Шерон Тейт 1969 йилда бундай турдаги кўзойнак тақиши одатий ҳол эмас.

9. “Оушеннинг ўн бир дўсти”

Бред Питтнинг иштаҳаси яхшилигини ҳамма билади. Шунга қарамай, актёр қисқа саҳнада 2 хил таом ейишга улгуриши даргумон.

10. “Фрида”

Фильмнинг бошида биз бир гуруҳ эркаклар тўшакка кишанланган Фридани олиб кетаётганини кўрамиз. У боши устидаги улкан ойнага қарайди, сирғалари эса осилиб туради. Юқоридаги кадрда Салма Хаек аслида томошабинларга кўрсатилгандек ётган эмас, тик ҳолатда турибди.

11. “Битирувчи”

Сюжетга кўра, фильм қаҳрамони Сан-Франциско кўрфазининг шарқий қирғоғидаги Беркли шаҳрига боради. Аммо томошабинлар Дастин Хоффман қаҳрамони кўприкнинг устида кетаётганини, яъни у шаҳардан қарама-қарши йўналишдалигини пайқаш мумкин.

12. “Матрица”

Эшик турқичининг аксида камера аниқ кўриниб қолган. Фильм ижодкорлари буни яшириш учун қўлларидан келганини қилдилар: ҳатто камерани куртка билан ёпишга ҳам ҳаракат қилишган, аммо бу ҳам ёрдам бермаган.

13. “Мулен Руж!”

Саҳналардан бирида Никол Кидман қаҳрамони кўйлагининг ингичка тасмалари бир неча сония бирданига қалинлашиб қолади.

14. “Мария-Антуанетта”

Агар диққат билан қаралса, қиролича ўғлида парик борлигини кўриш мумкин.