Bollivud — har yili yuzlab filmlar ishlab chiqaradigan va butun dunyo bo‘ylab millionlab tomoshabinlarni o‘ziga jalb qiladigan hind kino sanoati. Ushbu termin “Bombey” (kinostudiyalarning aksariyati joylashgan hozirgi Mumbay shahri) va “Gollivud” birikmasidan kelib chiqqan.
Foto:The Indian Express
Bollivud filmlari rang-barang liboslar, ajoyib iste’dodlar, musiqiy chiqishlar va dramatik hikoyalari bilan ajralib turadi. Quyida butun dunyo bo‘ylab millionlab muxlislarga ega besh nafar eng mashhur Bollivud aktrisalari bilan tanishishga taklif qilamiz.
Ayshvariya Ray
Aishvarya Ray Bollivuddagi eng mashhur shaxslardan biri hisoblanadi. U Hindistonning Mangalor shahrida tug‘ilgan. 1994-yilda Ayshvariya Ray “Dunyo go‘zali” tanlovida g‘olib bo‘ldi va qisqa fursat ichida unga yirik reklama shartnomalari bo‘yicha takliflar tushdi. U hatto Vogue jurnali muqovasida paydo bo‘ldi. Aktrisa 1997-yilda 24 yoshida ilk marta filmda rol o‘ynadi va shu vaqtdan boshlab ko‘plab Bollivud filmlari va Amerika kinosida suratga tushish uchun takliflar oldi. Hozirda uning filmografiyasida 45 dan ortiq film bor.
U “Sevgi haqida bir necha so‘z” filmida bosh rolni ijro etgan Abhishek Bachchanga turmushga chiqqan. Rayning kino sanoatiga qo‘shgan hissasi ko‘plab nominatsiyalar va mukofotlar bilan e’tirof etilgan.
Aishvarya Rayning ishtirokidagi eng yaxshi filmlar:
“Abadiy seniki” (1999)
“Guru” (2007)
“Entiran” (2010)
“Oshiq qalblar” (2016)
“Kaverining o‘g‘li: birinchi qism” (2022)
Shilpa Shetti
Shilpa Shetti ham Hindistondagi eng mashhur aktrisa va modellardan biridir. U o'z faoliyatini 1993-yilda, atigi 18 yoshida boshlagan. Debyutidan bir yil o‘tgach, u o‘zining birinchi bosh rolini ijro etgan.
Shetti bir qator hind filmlarida rol o‘ynagan va uning aktrisa singlisi ham Shilpa bilan bir necha marta birgalikda ishlagan. U Britaniya realiti-shousida ham ishtirok etdi va unda g‘olib bo‘lgan. Aktrisalik karyerasidan tashqari, Shilpa xayriya loyihalarini faol qo‘llab-quvvatlaydi. Shuningdek, u ko‘plab nufuzli mukofotlarga sazovor bo‘lgan.
Shilpa Shetti ishtirokidagi eng yaxshi filmlar:
“O‘lim bilan o‘ynashish” (1993)
“Yurak urishi” (2000)
“Katta shahardagi hayot” (2007)
“Chin do‘stlar” (2008)
Amisha Patel
Yana bir mashhur Bollivud yulduzi Amisha Patelning aktyorlik karyerasi 2000-yilda, 25 yoshida boshlangan. Mahoratli aktrisa AQShning nufuzli Tafts universitetida iqtisodiyot bo‘yicha oltin medal sohibasi. Aktrisa Massachusetsda o‘qishini yakunlagandan so‘ng “Khandwala Securities Limited” kompaniyasining moliyaviy bo‘limida ishlagan. Uning eng katta debyutlaridan biri Ritik Roshan bilan partnyor sifatida “Sevishingni ayt” filmidagi ijrosi bo‘ldi. U hind resjissyoriga turmushga chiqqan.
Amisha Patel ishtirokidagi eng yaxshi filmlar:
“Sevgidan voz kechmaydilar” (2000)
“Qochoqlar” (2001)
“Humraaz” (2002)
“Labirint” (2007)
Esha Deol
Bollivud yulduzlarining farzandi Esha Deol 1981-yilning 2-noyabrida tug‘ilgan. Bo‘lajak aktrisa yoshligidan klassik raqsni o‘rgangan va yigirma yoshida u oilaviy an’anani davom ettirib, aktrisa bo‘lishni xohlagan. U ilk debyutini 2002-yilda hind aktyori Aftab Shivdasani bilan “Kim yuragimni so‘raydi?” nomli romantik trillerida ijro etdi. O‘sha vaqtda Esha Deol 21 yoshda edi. Aktrisalikdan tashqari, u Bollivuddagi professional hayotida muhim rol o‘ynaydigan raqs san’atini ham yaxshi biladi.
Esha Deol ishtirokidagi eng yaxshi filmlar:
“Kim yuragimni so‘raydi?” (2002)
“Velosipedchilar” (2004)
“Ajal” (2005)
“Vaqt” (2005)
Priyanka Chopra
Priyanka 18 yoshida “Dunyo go‘zali-2000” tanlovida g‘olib bo‘ldi va bu unvonni qo‘lga kiritgan beshinchi hindistonlik qizga aylandi. G‘alabasidan uch yil o‘tib Priyanka Bollivuddagi debyutini 2002-yilda, 20 yoshida qilgan va bugungi kunda u Hindistondagi eng ko‘p maosh oluvchi aktrisalardan biri hisoblanadi. Kino faoliyati davomida u ko‘plab jiddiy rollarni o‘ynagan. Bundan tashqari, Chopra Time statistikasiga ko‘ra, dunyodagi eng nufuzli 100 kishi ro‘yxatiga va Forbes’ning dunyodagi eng nufuzli ayollar yuztaligiga kirishga muvaffaq bo‘lgan.
Priyanka Chopra ishtirokidagi eng sara filmlar:
“E’tiroz” (2004)
“Moda” (2008)
“Barfi” (2012)
“Malibu qutqaruvchilari” (2017)
“Oq yo‘lbars” (2021)
Izoh (0)