The Wall Street Journal (WSJ) nashriga ko‘ra, AQSH prezidenti Jo Bayden jamoasi va ko‘plab Amerika ommaviy axborot vositalari uning sog‘lig‘i yomonlashgani haqida uzoq vaqtdan beri sukut saqlagan.
Garchi Jo Baydenning vakolat muddati tugashiga bir necha hafta qolgan bo‘lsa-da, uning sog‘lig‘i muhokama mavzulardan biri bo‘lib qolmoqda. Xavotirlanish uchun so‘nggi sabab — demokrat AQSHning sobiq prezident Jimmi Karterning o‘limi haqida bayonot berar ekan, yo‘talib olgani bo‘lgan. Nashrning ta’kidlashicha, o‘sha kuni Bayden horg‘in ko‘ringan, tez-tez tutilib, so‘zlarni noto‘g‘ri talaffuz qilgan.
Yangi Orleandagi hujumlardan keyingi so‘nggi chiqishida prezident biroz quvnoqroq ko‘ringan.
WSJ nashrining qayd etishicha, Bayden vakolati davomida o‘z vazifalarini bajarishda bir necha bor qiyinchiliklarga duch kelgan. Uning jamoasi prezidentning sog‘lig‘i yomonlashgani sababli yuzaga keladigan kundalik muammolarni hal qilishga majbur bo‘lgan.
“Vaziyat shu qadar og‘ir ediki, Gollivud prodyuseri Jeffri Katzenbergga Bayden uchun nutq terapevti topish vazifasi qo‘yildi”, deb yozadi nashr.
2024-yil iyun oyida respublikachi Donald Tramp bilan birinchi teledebatida Bayden mag‘lubiyatga uchragan edi. Demokratlar Baydenni saylovdan voz kechishini talab qilishgan, demokrat Kamala Harris ham katta farq bilan Trampga mag‘lub bo‘lgan.
Fox News’ning uzoq yillik konservativ sharhlovchisi Kal Tomasning aytishicha, jurnalistlar “yil davomida eng ko‘p mag‘lubiyatga uchragan”, chunki ular Baydenning “aqliy tanazzulini” uzoq vaqt e’tiborsiz qoldirgan.
Liberal siyosiy strateglar hozirda Baydenning ahvoli va bu to‘g‘risidagi ma’lumotlarning sir saqlanishi Oq uy partiyasining yo‘qotilishiga sabab bo‘lganini muhokama qilmoqda.
Aniqlanishicha, Baydenning o‘zi hali ham Trampni mag‘lub eta olishiga ishonadi.
Izoh (0)