Crocus City Hall’dagi terakt ortida AQSH, Buyuk Britaniya va Ukraina rasmiylari turibdi. Bu haqda 26-mart kuni Rossiya Federal xavfsizlik xizmati rahbari Aleksandr Bortnikov “TASS” nashriga maʼlum qildi.
Rossiya rasmiysi fikricha, frontda ustunlikni yo‘qotayotgan Ukraina Rossiyaga bilvosita hujumlar uyushtirish orqali o‘z imkoniyatlari hali saqlanib qolayotganini ko‘rsatishga uringan. Teraktga to‘g‘ridan to‘g‘ri Kiyev rasmiylari masʼul bo‘lishi mumkin.
“Biz buni haqiqat deb hisoblaymiz. Nima bo‘lganda ham, biz hozir mavjud faktlarga tayanib gapiryapmiz. To‘g‘ri, bu umumiy maʼlumot, lekin ular buni uzoq rejalashtirgani haqida ishonchli manbalarimiz bor”, — degan Aleksandr Bortnikov.
Bortnikov, shuningdek, hujum ssenariysini yozishda Britaniya va AQSH razvedkasi faol ishlaganini daʼvo qilgan.
“Ukrainaga o‘z imkoniyatlarini namoyish qilish uchun nima kerak edi? Albatta, raqib ortida sabotaj va qo‘poruvchilik sodir etish. Ukraina maxsus xizmatlari rahbariyati ham, Britaniya maxsus xizmatlari ham aynan shuni maqsad qilgan. AQSH maxsus xizmatlari bunga yo‘l ochgan”, — degan u.
Izoh (0)