Rossiya tashqi ishlar vaziri Sergey Lavrov Tojikiston Tashqi ishlar vazirligi rahbari Sirojiddin Muxriddin bilan 30-aprel kuni telefon muloqoti o‘tkazgan. Bu haqda Central Asia nashri xabar berdi.
Manbada aytilishicha, Sergey Lavrov tekshiruvlar sababini terrorizmga qarshi kurash tadbirlari kuchaytirilgani bilan izohlagan. Mamlakat ichida xavfsizlik darajasini oshirishga qaratilgan choralar mohiyatini tushuntirishga harakat qilgan.
29-aprel kuni Tojikiston Tashqi ishlar vazirligi mamlakatda faoliyat yurituvchi Rossiya elchisiga tojik fuqarolari huquqlari buzilgani yuzasidan norozilik notasi topshirgan edi. Rossiya Tashqi ishlar vazirligi matbuot kotibi Mariya Zaxarova ushbu notaga munosabat bildirib, Tojikiston fuqarolari chegarani kesib o‘tishda duch kelayotgan qiyinchiliklar Markaziy Osiyo hududida teraktdan keyingi xavfsizlik talablari kuchaytirilgani bilan bog‘liq ekanligi, Rossiya bundan nohaq cheklovlar o‘rnatishdan manfaatdor emasligini maʼlum qilgan edi.
Sergey Lavrov Tojikiston xorijiy idorasiga murojaat qilib, tekshiruvlar vaqtinchalik ekanligini bildirgan. Bir muddat o‘tgach mamlakatga kirish talablari yana soddalashtirilishi bildirgan.
“Tomonlar Rossiya-Tojikiston o‘rtasidagi vaqt sinovidan o‘tgan strategik sheriklik va ittifoqchilik munosabatlarini mustahkamlash, ularning ijobiy dinamikasini saqlab qolish va kafolatlash zarurligi to‘g‘risida umumiy fikrda”, — deyiladi Rossiya TIV matbuot xizmati xabarida.
Maʼlumot o‘rnida, 22-mart kuni bir necha qurolli shaxslar Moskva chekkasidagi Crocus City Hall konsert zaliga bostirib kirib, tinch aholiga o‘t ochgan edi. Hujum oqibatda 145 kishi halok bo‘lgan, 500 dan ortiq kishi yaralangan. Konsert binosi to‘liq yonib, tom qismi qulab tushgan. Terakt yuzasidan surishtiruv jarayonida jami 12 kishi ,asosan, Tojikiston fuqarolari hibsga olingan.
Izoh (0)