Daniya Ukraina harbiy zavodlarini moliyalashni boshlash niyatida, buning uchun 2025-yilda kamida 1,4 milliard dollar jalb qilmoqchi.
Bu haqda The Wall Street Journal nashri xabar berdi.
Qayd etilishicha, Yevropa ittifoqi davlatlari Ukrainani yetarli qurol-yarog‘ bilan ta’minlay olmaydi, shuning uchun ular Ukraina harbiy zavodlari bilan shartnomalarini moliyaviy qo‘llab-quvvatlaydilar.
Shu bilan birga, Kiyev birinchi navbatda ittifoqchilarga kompaniyalar va zarur qurollar turlari haqida ma’lumot yuboradi. Yevropa ittifoqi davlatlari esa bitimlarga rozi bo‘lishdan oldin ishlab chiqarishni mustaqil ravishda tekshiradi.
Yevropa rasmiy hisob-kitoblariga ko‘ra, bu Ukrainaga qurollarni Yevropadan kelishini kutgandan ko‘ra tezroq va ko‘proq miqdorda qurol olish imkonini beradi.
“Bu Ukrainaga tezroq qurol yetkazishning samarali yo‘li. Shuningdek, mamlakatning qurol ishlab chiqarish salohiyatini oshirishga ham katta yordam beradi”, dedi Daniya mudofaa vaziri Lund Poulsen.
Avvalroq Buyuk Britaniya yaqinda Ukrainaga Storm Shadow uzoq masofaga uchuvchi qanotli raketalarning yangi partiyasini yuborgani xabar xabar qilingandi.
Yetkazib berish Britaniya va AQSH o‘zining uzoq masofali raketalarini Rossiya hududiga uchirishga ruxsat berishi to‘g‘risidagi qaroridan oldin amalga oshirilgan. Gap o‘nlab Storm Shadow qanotli raketalari haqida bormoqda.
London va Vashingtonning qarorlariga Rossiya urushda shimoliy koreyalik harbiylardan foydalanayotgani turtki bo‘ldi. Ukraina prezidenti Vladimir Zelenskiy bungacha bir necha bor G‘arb qurollari bilan Rossiyaga hujum qilish uchun ruxsat ololmagandi.
Izoh (0)