Oq uyning strategik aloqalar bo‘yicha koordinatori Jon Kirbi Ukrainaning uzoq masofali ATACMS raketalarini Kursk viloyatiga hujumlar uchun ishlatishga ruxsati borligini tasdiqladi.
“Ukraina shoshilinch zarurat bo‘lgan taqdirda o‘zini-o‘zi himoya qilish uchun ATACMS’dan foydalanish imkoniyatiga ega. Hozirda Kursk viloyati atrofida shunday ehtiyoj mavjud”, dedi Kirbi.
Shuningdek, u Amerika ma'muriyati uzoq masofaga uchuvchi ushbu raketalardan foydalanish bo'yicha yo'riqnomaga o'zgartirishlar kiritganini, unga ko'ra Ukraina Qurolli kuchlari faqat aniq nishonlarga zarba berishini tan oldi.
O‘tgan hafta Nyu-York Tames gazetasi Oq uyning nomi oshkor etilmagan rasmiylariga tayanib, prezident Jo Bayden birinchi marta Ukraina tomonidan Rossiya hududiga zarba berish uchun Amerikaning uzoq masofali qurollaridan foydalanishga ruxsat bergani haqida yozgandi.
Vladimir Putinning so'zlariga ko'ra, bu Ukrainadagi mojaroga NATOning to'g'ridan-to'g'ri kirishini anglatadi: G'arbda ishlab chiqarilgan uzoq masofali qurollarni qo'llash bo'yicha operatsiyalar ittifoq mamlakatlari harbiylari ishtirokida amalga oshiriladi, chunki faqat ular raketa tizimiga uchish missiyalarini kiritishlari mumkin.
21-noyabr kuni Rossiya o‘rta masofali raketa tizimlaridan biri “Oreshnik”ni qo‘lladi. Bu Ukraina Qurolli Kuchlarining uzoq masofali ATACMS va Storm Shadow raketalari bilan Kursk va Bryansk viloyatlaridagi nishonlarga hujumlariga javob bo‘ldi.
Rossiya qo‘shinlari Dnepropetrovskdagi yirik sanoat majmuasiga yadroviy bo‘lmagan gipertovushli ballistik raketa bilan zarba berishdi.
Izoh (0)