Дания Украина ҳарбий заводларини молиялашни бошлаш ниятида, бунинг учун 2025 йилда камида 1,4 миллиард доллар жалб қилмоқчи.
Бу ҳақда The Wall Street Journal нашри хабар берди.
Қайд этилишича, Европа иттифоқи давлатлари Украинани етарли қурол-яроғ билан таъминлай олмайди, шунинг учун улар Украина ҳарбий заводлари билан шартномаларини молиявий қўллаб-қувватлайдилар.
Шу билан бирга, Киев биринчи навбатда иттифоқчиларга компаниялар ва зарур қуроллар турлари ҳақида маълумот юборади. Европа иттифоқи давлатлари эса битимларга рози бўлишдан олдин ишлаб чиқаришни мустақил равишда текширади.
Европа расмий ҳисоб-китобларига кўра, бу Украинага қуролларни Европадан келишини кутгандан кўра тезроқ ва кўпроқ миқдорда қурол олиш имконини беради.
“Бу Украинага тезроқ қурол етказишнинг самарали йўли. Шунингдек, мамлакатнинг қурол ишлаб чиқариш салоҳиятини оширишга ҳам катта ёрдам беради”, деди Дания мудофаа вазири Лунд Поулсен.
Аввалроқ Буюк Британия яқинда Украинага Storm Shadow узоқ масофага учувчи қанотли ракеталарнинг янги партиясини юборгани хабар хабар қилинганди.
Етказиб бериш Британия ва АҚШ ўзининг узоқ масофали ракеталарини Россия ҳудудига учиришга рухсат бериши тўғрисидаги қароридан олдин амалга оширилган. Гап ўнлаб Storm Shadow қанотли ракеталари ҳақида бормоқда.
Лондон ва Вашингтоннинг қарорларига Россия урушда шимолий кореялик ҳарбийлардан фойдаланаётгани туртки бўлди. Украина президенти Владимир Зеленский бунгача бир неча бор Ғарб қуроллари билан Россияга ҳужум қилиш учун рухсат ололмаганди.
Изоҳ (0)