Finlyandiya Mudofaa vazirligi 2028—2032-yillarga mo‘ljallangan xaridlar uchun Ukrainaga qo‘shimcha 277 million yevro ajratadi. Bu haqda Finlyandiya Mudofaa vazirligi bayonotida ma’lum qilindi.
Shuningdek, Finlyandiya mudofaa kuchlari tomonidan Ukrainani moddiy qo‘llab-quvvatlash va Ukraina qurolli kuchlarini tayyorlash bilan bog‘liq xarajatlarini qoplash uchun qo‘shimcha 4,7 million yevro ajratish rejalashtirilgan.
Avvalroq Germaniya, Belgiya, Daniya va Norvegiya 2024-yil oxirigacha Ukrainaga 1,4 milliard yevrolik yordam paketini taqdim etishi xabar qilingandi.
“Yangi yordam IRIS-T va Skynex havo hujumidan mudofaa tizimlari, tanklar, zirhli mashinalar, hujumchi dronlar, radarlar va artilleriya snaryadlarini yetkazib berishni o‘z ichiga oladi”, dedi Shols Ukraina prezidenti Vladimir Zelenskiy bilan Berlinda bo‘lib o‘tgan anjumanda.
Izoh (0)